Zekaria 10:7 - Baibuli Ekibono kya Katonda 2014

⁷ Olwo abantu b'omu Isiraeli baliba ng'oti n'abalwani abaziramu ntete. Era mule baliba basanhuukirivu ng'oti n'abanhweire omwenge ogw'emizabbibu. Baidhukulu baibwe bwe baliidhukiranga obughanguzi buno, balisagambanga olw'ebyo nze Musengwa Katonda bye nkoze.

Zekaria 10:7 ပူးပေါင်းရင်းမြစ်များ

Amainhama 18:19

Namulonda asobole okulagira abaana be n'abaidhukulu be abaliiragho, bangonderenga nga bakola ebyo ebyoleka obutuufu era eby'amazima. Memale olwo mmukolere ebyo byonabyona bye nasuubiza.”

Amainhama 43:34

Yosefu yaabagheereza ebimegero okuva ku mere eyali mu maiso ge. Aye ekimegero kye yagha Benjamini kyasingaku ebya bale abandi obunene emikuzi etaanu. Kale baanhwa era baasagambira ghalala ni Yosefu.

Zabbuli 102:28

Abaana b'abo abakutya baidha kubangagho ng'obakuuma, n'abaidhukulu baibwe boona baidha kubanga bagumu gh'oli.

Zabbuli 104:15

Afune n'omwenge ogw'emizabbibu ogumusangaaza, n'omuzigo ogw'ebibala eby'emiti emyoliva ogumusanhusa, era afune n'emere emugha amaani mu mubiri.

Zabbuli 13:5

Aye nze nkwesiga olw'okungonza einho, mu mwoyo gwange nsagamba kuba ndidhi ng'oidha kumponia.

Zabbuli 28:7

Musengwa Katonda n'amaani gange era n'engabo yange, oyo ye neesiga n'omwoyo omulala. Ambeera era yansanhusa, ndidha kumwembera olwembo olw'okumusiima.

Zabbuli 33:21

Bwenebwene emyoyo gyaife misangaavu olwa Musengwa Katonda, kuba twesiga eriina lye eitukuvu.

Zabbuli 90:16

Yoleka abagheereza bo eby'amaani by'okola; oyoleke n'abaidhukulu baibwe obukumu bwo obw'ekitiisa.

Isaia 25:9

Ku lunaku olwo balikoba bati: “Mubone, Katonda waife wuuno. Tubairenga tumuteegerera okwidha okutuwonia. Ono ni Musengwa Katonda ye tubairenga tuteegerera, mpegaano ka tusangaale era tusagambe, kuba atulokoire.”

Isaia 38:19

Abalamu bonka n'abakusiima, nga nze bwe ndi kukola olwaleero. Abazaire bakobera abaana baibwe nga bw'oli omwesigwa.

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Yeremia 32:39

Ndibaleetera okweyimba ekitole era nga bali n'ekigendererwa kirala, eky'okuntaamu ekitiisa olubeerera ku lw'obulungi bwaibwe beene n'obwa baidhukulu baibwe.

Ezekieli 37:25

Baliba mu nsi ye nagha Yakobo omugheereza wange, ensi badhaadha baibwe mwe baabanga. Beene, n'abaana baibwe, ni baidhukulu baibwe, omwo mwe baliba ebyanda n'ebyanda. Era kyabazinga ali ng'oti n'omugheereza wange Daudi, n'aja okubafuganga ebyanda n'ebyanda.

Yoeli 2:23

Imwe abantu ab'e Sioni, musangaale era musagambire mu Musengwa Katonda waimwe; kuba abaleeteire amaadhi agasooka gaagwa mu bungi obutuufu bwene. Abaghaire amaadhi amatoigo n'amasambya, gaagwa mu bungi nga bwe kyalinga eira.

Habakkuku 3:18

nze ndidha kusigala nga nsagamba era nga ndi musangaavu. Kuba Musengwa Katonda n'omulokozi wange.

Zefania 3:14

Imwe Abaisiraeli, mwembe era mukube n'emizira. Imwe ab'e Yerusalemu, musangaale era musagambe n'omwoyo gwaimwe gwonagwona.

Zekaria 12:8

Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Zekaria 9:15

Musengwa Katonda oyo Afuga Amagye alikuumanga abantu be, yaabaleetera okuzikiriza abazigu baibwe, baabatyankirira. Balitamiira okuyugha omusaayi gw'abazigu, baaba ng'oti n'abatamiire omwenge. Era omusaayi ogwo guliba mungi ng'oti n'ogw'emisengo, gwe bayugha n'ekibya ku alutaari ni gutoonherera ku nsonda dhaayo.

Zekaria 9:17

Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

Luka 1:47

Omwoyo gwange gusangaaliire mu Katonda omununuzi wange.

Yoanne 16:22

Mperaano mwena muwulira, enaku aye ndidha kabiri kubabona era emyoyo gyaimwe gisagambe. Era okusagamba okwo ghazira muntu yeenayeena alikubatoolaku.

Ebikolwa by'Abatume 13:33

bwe yazuukiza Yesu ku lwaife baidhukulu be, era nga bwe kyaghandiikibwa mu Zabbuli eyokubiri kiti, ‘Oli Mwana wange, olwaleero nkuzaire.’

Ebikolwa by'Abatume 2:26

Agho ni omwoyo gwange gwasangaala, n'olulimi lwange lwasagamba n'omubiri gwange guwuumuliire mu kusuubira;

Ebikolwa by'Abatume 2:39

kuba ekisuubizo kya Katonda kyaimwe n'abaana baimwe, n'abo boonaboona abali eghala, boonaboona Musengwa Katonda waife oyo b'aba ng'ayese.”

Ab'e Filippi 4:4

Buliidho musagambirenga mu Musengwa. Era kabiri nkiiramu nti Musagambe!

1 Petero 1:8

Waire nga Yesu oyo timumubonangaku, mumugonza, era waire timumubona buti, mumwikiriza era mwasagamba ebitaloodheka.

1 Samueli 2:1

Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.