Zekaria 10:4 - Baibuli Ekibono kya Katonda 2014

⁴ Mu abo n'omuliva abafuzi, n'abakulembeze, n'abaduumizi mu magye, abalifuga abantu bange.

Zekaria 10:4 ပူးပေါင်းရင်းမြစ်များ

Amainhama 49:24

Aye akalaso ke kasigala nga kakaagumye, emikono gye gyagheebwa amaani agava eri ow'Obukumu Katonda wa Yakobo; Omwayi era Omukuumi wa Isiraeli.

Ezera 9:8

Aye mperaano mu kiseera ekitono kiti, Musengwa Katonda waife atwoleike ekivunika, yaaleetera abandi ku ife okuwonagho era yaatugha okuba abagumu mu kifo kye kino ekitukuvu. Olwo Katonda waife oyo yaatuwonia obwiru, yaatugha obulamu obuyaaka.

Zabbuli 118:22

Eibaale abazimbi lye baaloba bati lizira mugaso, n'eryafuuka empagi ey'omusingi mu nsonda.

Isaia 19:13

Abakulembeze ab'e Zoani baafuuka basiru, n'ab'e Menfisi baabuzibwabuzibwa. Mu kifo ky'okukulembera ensi Misiri, bagireeteire kudaaliima budaaliime.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 49:2

Yaleetera ebibono bye ndhogera okuba ng'oti mpiima endhogi. Yankuuma n'omukono gwe naaba ng'oti kalaso ke akaghagale mu kiruutu kye.

Isaia 54:16

Bona, ninze ntonda omugheesi w'ebintu by'ekyuma, yaafuguta amanda ag'omuliro, yaagheesa eby'okulwanisa. Era ninze ntonda omwisirukale akozesa eby'okulwanisa ebyo okwita.

Yeremia 1:18

“Bona eno, olwaleero nkufiire ng'oti n'ekibuga ekyezungulwirwa ebimante ebigumu, oba ng'oti n'empango eyakolebwa mu kyuma ekigumu einho, oba ng'oti n'ekisenge ekyakolebwa mu kyuma eky'ekikomo olwanise bakyabazinga ba Buyudaaya, n'abakungu baayo, ni bakabona baayo, era n'abantu baayo boonaboona.

Yeremia 51:20

Musengwa Katonda akoba ati: “Iwe ensi Babilonia, oli nhundo yange era eky'okulwanisa kyange mu lutalo. Nakukozesa okuzikiriza amaghanga n'okusaaniagho obwakyabazinga.

Zekaria 9:10

Musengwa Katonda akoba ati: “Nditoola mu Isiraeli ebigaali eby'omu lutalo, naatoola ni mu Yerusalemu embalaasi. Obulaso obukozesebwa mu lutalo bulizikirizibwa. Kyabazinga oyo alireetagho emiraala mu maghanga. Alifuga ekiketezo ekiva ku nhandha okutuuka ku nhandha, n'okuva ku mwiga Eufurate okutuusa ensi y'ekanga.”

Zekaria 9:8

Olwo ndibanga mu nsi yange eyo ng'omukuumi waayo, ndobere abazigu okugibitamu. Tija kuganha mufuzi mubi kabiri kutuntuza bantu bange, kuba mpegaano nze mwene mboine n'amaiso gange, abantu bange nga bwe badaazibwadaazibwa.

Okubala 24:17

Bwe ningirira ye bwidha eyo, mbona Abaisiraeli abo, aye ti nga bwe bali mperaano. Kyabazinga alisituka mu Yakobo ng'oti n'emuunienie bw'evaayo, ng'ogwo n'omwigo ogw'obwakyabazinga oguja okusimuka mu Baisiraeli abo. Alisasambula abakulembeze b'e Moabu, era yaasaaniagho abaana ba Shethi boonaboona.

Matayo 9:38

Kale ni musabe mwene bikungulwa asindike abakozi mu bikungulwa bye.”

Luka 20:17

Yesu yaabalingirira yaabakoba ati: “Kale, ekyaghandiikibwa kino kitegeeza ki? ‘Eibaale abazimbi lye baaloba bati lizira mugaso, n'eryafuuka empango ey'omusingi mu nsonda.’

Ab'Efeso 2:20

kuba mwazimbibwa ku musingi ogw'Abatume n'abalanzi, nga Kurisito Yesu mwene n'eibaale eikulu ery'omu nsonda.

2 Timotheo 2:4

Ghazira mwisirukale aba ku mulimo kabiri amala n'aira mu midoobaano gya bantu babuliidho. Ekiseera kyonakyona aba ayenda kukolera ku biragiro by'omuduumizi.

1 Petero 2:6

Kuba ebyaghandiikibwa bikoba biti: “Bona, ndi kuta mu Sioni eibaale, eibaale ery'oku nsonda lye nalonda era ery'omughendo einho, era oyo amwikiriza taliswazibwa.”

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

1 Samueli 14:38

Saulo yaakoba ati: “Imwe abakulembeze b'abantu mwenamwena museete, mumanhe era mubone ekibi nga bwe kikoleibwa olwaleero.