Zekaria 10:3 - Baibuli Ekibono kya Katonda 2014

³ Musengwa Katonda Afuga Amagye akoba ati: “Nsungughaliire inho abakulembeze abo abafuga abantu bange, era ndidha kubabonereza. Nze Musengwa Katonda Afuga Amagye, mwene ndirabiriranga abantu bange Abayudaaya ng'oti n'omwayi bw'alabirira ebyayo bye. Era ndibaleetera okuba ng'oti n'embalaasi edh'omu lutalo edhitatya naire.

Zekaria 10:3 ပူးပေါင်းရင်းမြစ်များ

Yobu 39:25

Buli endeka lw'evuga, egufula eti, ‘Otyo.’ Olutalo n'okuleekaana kw'abaduumizi, ebiwunhiza ng'ekaali ghala.

Okuvaayo 4:31

Agho abakulu ab'ebikunsu abo baikiriza, era bwe baawulira nga Musengwa Katonda bweyabalumirwa ng'aboine okudaazibwadaazibwa kwaibwe, baakuba amakiryaivu baamusinza.

Ensambo 21:31

Abantu basobola okutegeka embalaasi okulwana olutalo, aye Musengwa Katonda n'agaba obughanguzi.

Olwembo 1:9

Iwe omugonzi wange, oleetera abasaadha okusuuyirira, ng'oti n'embalaasi enkazi bwe dhireetera ensaadha okusuuyirira edhighaluza ebigaali bya kyabazinga w'e Misiri eby'omu lutalo.

Isaia 10:12

“Aye Musengwa Katonda akoba ati: ‘Bwe ndimala okukola ekyo kye ndi n'okukola ku Lusozi Sioni ni ku Yerusalemu, ndibonereza kyabazinga w'e Assiria olw'okwesuuta n'okwekuluntaza.’”

Isaia 24:21

Ku lunaku olwo Musengwa Katonda alibonereza obuyinza bwonabwona obuli ghaigulu mu igulu, n'abafuzi abali ghansi ku nsi.

Yeremia 10:21

Nze naabakoba nti: “Abakulembeze baife basiru, tibeebuuzaaku ku Musengwa Katonda. Kyova ebintu ni bitabajiira bukalamu, n'abantu be batwala ni basansaana obusansaane.

Yeremia 11:22

Musengwa Katonda oyo Afuga Amagye akoba ati: “Abantu abo ndidha kubabonereza. Abaisuka baibwe baidha kufiira mu lutalo, n'abaana baibwe baidha kulambuka ndhala.

Yeremia 25:12

Emyaka ensanvu egyo bwe giriwaayo, ndibonereza kyabazinga w'e Babilonia n'ab'omu ighanga eryo olw'ebibi byaibwe, naazikiriza ensi yaibwe yaasigala agho etyo ng'eri bwa bifulukwa byereere, ebyanda n'ebyanda.

Yeremia 25:34

Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Yeremia 50:6

“Abantu bange bali ng'oti n'entaama abaayi dhe balese ni dhibulira eyo mu nsozi. Batambulatambula eyo batyo nga bava ku lusozi luno baaja ku lule, baatuuka n'okwerabira amaka gaibwe.

Ezekieli 34:11

“Nze Musengwa Katonda nkoba nti, nze mwene ndinoonia entaama dhange, naayagaaza woonawoona okuzuula ye dhiri.

Ezekieli 34:12

Ng'omwayi bw'ayagaaza buli ghantu, nga ghaligho edhindi ku ntaama dhe edhisansaine, zeena ntyo bwe ndyagaaza woonawoona okuzuula entaama dhange ye dhiri. Ndidhitoola eyo yoonayoona ye dhaasansaanira ku lunaku olwo olw'ebire ebyereere ku igulu n'enzikiiza agemye bedimudimu!

Ezekieli 34:2

“Iwe omuntu, langirira akabi akali kwidhira abakulembeze b'omu Isiraeli. Langa obakobere nze Musengwa Katonda bye ndi kubakoba nti: Mukagwireku imwe abakulembeze b'omu Isiraeli. Muligho kweigusa beene nga timulabirira ntaama dhe mwaya.

Danieli 11:32

Kyabazinga oyo aliwooyawooya era yaasuutiriza abo abaava eira ku kusinza Katonda. Aye abo abaidhi Katonda waibwe obukalamu, balisigala nga bagumu era beerwanaku.

Zefania 1:8

Musengwa Katonda akoba ati: “Nja kubonereza abakungu ba kyabazinga, n'ab'endhu ye, n'abo boonaboona abaagema empisa edh'abamaghanga agandi.

Zefania 2:7

Ekiketezo ekyo eky'oku nhandha kija kufuuka kya Bayudaaya. Eyo ye balyayiranga ebyayo byaibwe, era baasula mu ndhu edh'omu kibuga Ashikeloni kuba Musengwa Katonda waibwe aidha kubalabiriranga, abaleetere ebintu kabiri okubajiiranga obukalamu.

Zekaria 11:17

Akagwireku omwayi w'entaama oyo azira ky'agasa naire, alekulira obwagho ekisibo! Olutalo lugwananga lwamukuba yaava mu buyinza yaagwira irala. Era omukono gwamuniala n'eriiso lye ery'oku mukono omusaadha lyamutulughala.”

Luka 1:68

“Musengwa Katonda wa Isiraeli asaakibwe, kuba akyaliire abantu be era yaabanunula.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

Ruthi 1:6

Nga ghabiseeghooku entangama, Naomi yaawulira nga Musengwa Katonda yaidhukira abantu be yaabagha omwero ogw'emere. Olwo yeetegeka okuva mu Moabu ni banamwandu ba batabane be bombi.