Zekaria 10:2 - Baibuli Ekibono kya Katonda 2014

² Abantu beebuuza ku misambwa, ni ku balaguzi, ni ku bavuunuzi b'ebirooto, aye bye babairamu bya buguya byereere era bizira kye bibayamba naire. Kale ekyo kyaleetera abantu okutambulatambula eyo batyo ng'oti ntaama edhibuze. Olwo baadaazibwadaazibwa olw'okubulwa omukulembeze.

Zekaria 10:2 ပူးပေါင်းရင်းမြစ်များ

Amainhama 31:19

Labani yali ng'ajiire okusala ku ntaama obuviiri, Rakeli yaiba emisambwa gya ise egy'omu maka.

1 Bakyabazinga 22:17

Mikaia yaakoba ati: “Mboine abaisirukale ba Isiraeli boonaboona nga basansaaniire eyo ku nsozi, ng'oti n'entaama edhiziraku mwayi. Musengwa Katonda yankoba ati, ‘Abantu abo baziraku mukulembeze, buli mulala leka aireyo miraala mu maka ge.’ ”

Yobu 13:4

Aye imwe mwogera bya buguya okughemba ku mazima muli ng'oti n'abayigha abatasobola kuwonia muntu.

Yobu 21:34

Kale imwe munangumya mutya n'ebibono ebiziramu makulu? Bye muli kundhiramu byonabyona biidhwire buguya!”

Isaia 41:29

Boonaboona ghazira kye bagasa, era ghazira kye basobola kukola naire. N'ebifaananie byaibwe ebyakolebwa mu kyuma ekisaanuusiibwa, biziramu makulu naire.”

Isaia 44:25

Ninze mmala amakulu mu ebyo abalaguzi bye balagula, n'ebyo abalogo bye bakola. Ndhuuluusa abagezi bye boogera, naayoleka nti bye beeta eby'amagezi byaga busiru.

Isaia 44:9

Abo boonaboona abakola ebisinzibwa ebitali Katonda bali agho batyo, bazira kye bagasa naire. N'ebisinzibwa byaibwe ebyo ebibeesiimisa, biziramu muganhulo. N'abo ababisinza batulu beene, era tibaidhi ng'ekyo kye bakola kisobola okubaleetera okuswala obuswale.

Isaia 46:5

Naani ye mulingezaaku ni mumwagayaza ninze, oba naani ye mulingeragerania naye ni tufaanana naye?

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Yeremia 14:13

Nze naakoba nti: “Aa, Musengwa Katonda waife, abalanzi bakobera abantu abo bati, ‘Tighaja kubaagho lutalo waire endhala, kuba mbu iwe wasuubiza oti ghaidha kubangagho miraala myereere mu nsi yaife.’ ”

Yeremia 14:22

Ku bakatonda ab'amaghanga agandi abaziramu makulu, ghaligho asobola okugwisa amaadhi? N'eigulu ku bwalyo lyonka lisobola okutoonhesa waire obw'olumiiyirizi? Ti niiwe Musengwa Katonda waife? Eisuubi lyaife lyonalyona liri mu iwe, kuba niiwe okola ebintu ebyo byonabyona.

Yeremia 23:17

Buli kaakyeire bakobera abantu abaloba okuwulirisa nze Musengwa Katonda bye nkoba, bati, Mwidha kubanga mu miraala.’ Era baakobera buli muntu akola ebyo omwoyo gwe omukalangufu bye gwenda, bati, ‘Ezira kabi kaidha kukutuukaku naire.’ ”

Yeremia 23:32

Muwulire nze Musengwa Katonda kye nkoba: Nkyagha abalanzi abo abakobera abantu ebirooto byaibwe ebiidhwire obuguya, ni badaaliimya abantu bange n'obuguya bwaibwe obwo, nga babeesuutiraku. Tibatumangaku, naire okubalagira baje bakole batyo! Era bazira kya makulu kye batwalira bantu abo naire. Nze Musengwa Katonda, ninze nkobye.”

Yeremia 27:10

Ebyo bye balagula bya buguya, era, imwe, birindeetera nze, okubatwala eghala einho okuva mu nsi yaimwe. Ndibabinga mu nsi yaimwe, mwaja mwazikiririra eyo.

Yeremia 27:14

Mutawulirisa bya balanzi ababakoba bati, ‘Mutaganhanga kugheereza kyabazinga w'e Babilonia’. Abalanzi abo balanga bya buguya.

Yeremia 27:9

Mutajiira ku bya balanzi baimwe oba balaguzi baimwe, waire okujiira ku muntu yeenayeena abakoba ati asobola okulagula ebiribaagho ng'abita mu kuvuunula ebirooto, ni mu kukola eby'obulogo n'eby'emizimu. Abantu abo boonaboona babakoba obutaganha kyabazinga w'e Babilonia kubafuga.

Yeremia 28:15

Agho naakobera Hanania ebintu ebyo, era naayongeraku ni kino nti: “Wulira iwe Hanania, Musengwa Katonda ti n'eyakutuma. Oli kuleetera bwa bantu bano kwesiga bya buguya.

Yeremia 29:8

Nze Musengwa Katonda Afuga Amagye, Katonda wa Isiraeli, ndi kubalabula nti mutaganhanga balanzi ababa mu imwe kubaguya, waire omuntu owundi yeenayeena akoba ati asobola okulagula ebiri mu maiso. Mutawulirisanga birooto byaibwe bye beeroosaloosa.

Yeremia 37:19

Abalanzi baimwe baaja gha, abaalanganga bati kyabazinga ow'e Babilonia talibalumba imwe, waire okulumba ensi eno?

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Yeremia 51:23

Nakukozesa okwita abaayi n'ebyayo byaibwe, n'abalimi n'ensolo dhaibwe dhe balimisa, n'abafuzi era n'abaduumizi b'amagye.”

Yeremia 6:14

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Yeremia 8:11

Amabwa g'abantu bange bagawonia bwa ku ngulu. Baalamusagania bati, ‘Emiraala gibe n'iwe,’ ate nga ghazira miraala.

Okulira 2:14

Abalanzi baimwe, mu kifo eky'okubakobera okubonekerwa okuva ewa Katonda, baabakoberanga bya buguya, ebibi byaimwe baabighembaku bughembe okubafiiriza enkabi. Obukwenda obuva ye Katonda baabubakobera mu busobu, bwabaleetera okudaaliima.

Ezekieli 21:21

Kyabazinga ow'e Babilonia oyo ayemereire ghale engira dhombi ghe dhaagaananira. Olw'okwenda okuzuula engira y'anaagema, ali kusuula obulaso ghansi, yeeraguza ku misambwa, era yaakebera eini ery'ensolo y'aghaireyo ng'omusengo.

Ezekieli 21:29

“‘Okubonekerwa kwe mufuna kwa buguya, ni bye mulagula ti bituufu naire. Muli babi abatasiimya Katonda naire, era olunaku lwaimwe lutuuse, n'ekiseera eky'okubonerezebwa kwaimwe okusembayo. Empiima eja kusala amamiro gaimwe.

Ezekieli 34:5

Kale dhaasansaana olw'okubula omwayi, ensolo edh'omu nsiko dhaadhiita dhaadhirya.

Ezekieli 34:8

Era nze Musengwa Katonda ndayira nti nga bwendi omulamu, mugwaine mute omwoyo ku bye ndi kubakoba. Entaama dhange dhaafuuka muyiigo era mere ya nsolo dha mu nsiko, olw'okubula omwayi. Abaayi be nadhitaaku baaloba okudhinoonia, aye baira bwa mu kweigusa beene nga tibadhirabirira naire.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Mika 2:12

“Aye imwe abantu bange Abaisiraeli, abaliwonagho, nja kubasoloza mbaleete ghalala ng'omwayi bw'asoloza entaama dhe mu kisibo kyadho. Era ekiketezo kyaimwe kija kwiramu okwidhula abantu nga baseregulya buseregulye ng'oti n'ekyayiro ekirimu entaama kamaala.”

Habakkuku 2:18

Muganhulo ki oguli mu musambwa omuntu gw'abaadha oba n'agukola mu kyuma ekisaanuuse? Omusambwa ogwo gwegeresa buguya bwereere. Omuntu afuna ki mu kwesiga ekintu ky'akoze mwene n'akyeta katonda, ekintu ekitaghanga na kwogera?

Zekaria 11:17

Akagwireku omwayi w'entaama oyo azira ky'agasa naire, alekulira obwagho ekisibo! Olutalo lugwananga lwamukuba yaava mu buyinza yaagwira irala. Era omukono gwamuniala n'eriiso lye ery'oku mukono omusaadha lyamutulughala.”

Okubala 27:17

Omuntu aidha okubakulemberangamu era abakuumenga mu buli kye banaakolanga. Olwo abantu bo abo, iwe Musengwa Katonda, balobe kubanga ng'oti n'entaama edhiziraku mwayi.”

Matayo 9:36

Bwe yabona abantu kamaala batyo, yaabagemerwa ekisa, kuba baali beinhamiire era nga babundaire ng'oti n'entaama edhiziraku mwayi.

Mariko 6:34

Yesu bwe yali atuuka ku bukalu ati yaabona eikuukuubira ery'abantu, yaabasaasira, kuba baali oti n'entaama edhiziraku mwayi. Agho yaatoolera okubeegeresa ebintu kamaala.

Amateeka Agokubiri 13:2

Ekyo aghanga okukikola ng'ayenda mutoolere okusinza bakatonda be mutasinzangaku. Aye ekirooto ekyo oba ekyewuninkiriza ekyo ky'asuubiiza ni bwe kituukiriranga,

Abalamuzi 18:14

Abasaadha bale abataanu abaaja okukeeta ensi y'e Laishi, baakoba banaibwe bati: “Mubaire mwidhi nga mu ndhu dhino mulimu ekifaananie ekibaadhe, ekisiigiibwaku feeza omusaanuuse? Era mubaire mwidhi nga mu ndhu dhino mulimu n'ekivaalo eky'obwakabona, era mwabaamu n'ebintu ebyetebwa terafimu? Kale ni mulowooze ku kye mugwaniire okukola.”