Zekaria 10:12 - Baibuli Ekibono kya Katonda 2014

¹² Ndireetera abantu bange okuba ab'amaani. Era baligheesanga eriina lyange ekitiisa.” Musengwa Katonda atyo bw'akobye.

Zekaria 10:12 ပူးပေါင်းရင်းမြစ်များ

Amainhama 24:40

Yandhiramu ati, “Musengwa Katonda oyo ye ngondera buliidho, alikutuma ghalala ni malaika we, yaagha olugendo lwo enkabi waafunira omwana wange omukazi okuva mu boluganda lwange era mu ndhu ya lata wange.

Amainhama 5:24

Enoka oyo yaamala obulamu bwe ng'atambulira mu Katonda era yaamala yaabulagho bubule, kuba Katonda yamutwala.

Isaia 2:5

Kale ni, imwe baidhukulu ba Yakobo, mwidhe tutambulire mu butangaavu bwa Musengwa Katonda.

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 45:24

Balikoba bati mu nze Musengwa Katonda mwonka n'omuli obutuufu n'amaani. Aye abo boonaboona abankyagha, ensoni dhiribagema baaswazibwaswazibwa.

Ezekieli 30:24

Olwo naaleetera emikono gya kyabazinga w'e Babilonia okuba egy'amaani era naamuta mu ngalo empiima yange. Aye naamenha emikono gya kyabazinga wa Misiri, yaasindira mu maiso ga kyabazinga ow'e Babilonia ng'oti n'omuntu afumitiibwa ebibwa ebija okumwita.

Mika 4:5

Abantu aba buli ighanga basinza era baagondera bakatonda baalyo, aye ife twidha kusinzanga era tugonderenga Musengwa Katonda, Katonda waife ebyanda n'ebyanda.

Zekaria 10:6

Ndireetera abantu b'omu Buyudaaya okuba ab'amaani, era naawonia abantu b'omu Isiraeli abo okuzikirizibwa. Ndibagemerwa ekisa, naabaiza eka ewaibwe. Baliba ng'oti se tibalekulirangaku agho, kuba ninze Musengwa Katonda waibwe, era nze ndiiramu okusaba kwaibwe.

Zekaria 12:5

Agho abantu b'omu bika bya Buyudaaya balikoba mule bati, ‘Musengwa Katonda Afuga Amagye, agha abantu be ab'omu Yerusalemu amaani.’

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Ab'e Filippi 4:13

Nsobola okugumira byonabyona olw'amaani Kurisito g'ampa.

Ab'e Kolosai 2:6

Kale nga bwe mwaikiriza Kurisito Yesu okuba Musengwa waimwe, mube naye mu bulamu bwaimwe.

Ab'e Kolosai 3:17

Era kiisi kye mukolanga, ka kibe mu bibono oba mu bikolwa, mu kikole mu liina lya Musengwa Yesu, era nga mubita mu oyo okweyanza Katonda Lata nga musiimye.

1 Ab'e Thessalonika 2:12

okuba mu bulamu Katonda bw'asiima, oyo abeeta okwingira mu Bwakyabazinga bwe era mu kitiisa kye.

1 Ab'e Thessalonika 4:1

Aboluganda, mwatwegeraku nga bwe mugwaine okwebisa memale musobole okusiimya Katonda, era ekyo kye mubaire mukola. Mperaano tubeeghembye era tubakubiriza mu liina lya Musengwa Yesu, mukole mutyo ate era mwongeremu n'amaani,

2 Timotheo 2:1

Iwe niini mwana wange, weekalangule ng'oyambibwa amaani agali mu kwisa ekirala mu Kurisito Yesu.