Zekaria 1:8 - Baibuli Ekibono kya Katonda 2014

⁸ Naabona malaika wa Musengwa Katonda ng'ali kuvuga embalaasi emyufu, ng'agyemereiza mu miti egy'ebisaka egyali mu kiiko. Einhuma we yaliyo embalaasi edhindi emyufu, n'edha kikuusikuusi, n'endheru.

Zekaria 1:8 ပူးပေါင်းရင်းမြစ်များ

Amainhama 20:3

Aye Katonda yaabonekera Abimeleki mu kirooto obwire, yaamukoba ati: “Bona, oidha kufa olw'okutwala omukazi oyo, kuba muka musaadha.”

Amainhama 46:2

Katonda yaayogera ni Isiraeli oyo, nga amubonekeire obwire, yaakoba ati: “Yakobo, Yakobo!” Yakobo yaavugira ati: “Ndi ghano!”

1 Bakyabazinga 3:5

Bwe yali ng'ali eyo e Gibeoni, Musengwa Katonda yaamubonekera obwire mu kirooto, yaamukoba ati: “Saba ky'oyenda, nkughe.”

Nehemia 8:15

Era baazuula nga bali n'okulangirira bamanhise ab'omu bibuga byaibwe byonabyona ni mu Yerusalemu bati: “Muje mu nsozi muleete ensaga edh'emiti emyoliva, egyo gye baasimba obusimbe n'egyo egyamera gyene, n'ensaga edh'emiti eminaazi, n'edh'emiti egindi egy'amakaba amangi, muzimbise entindi, nga bwe kyaghandiikibwa.”

Yobu 4:13

Nali mu kulogootana obwire, endoolo enhingi einho nga dhingemye.

Olwembo 2:16

Omugonzi wange oyo, wange, zeena ndi wuwe. Ayayira ebyayo bye mu bimuli ebyetebwa liri.

Olwembo 6:2

Omugonzi wange ajiire mu nimiro ye omuli obuwoowo obw'omu mere. Ajiire kwayira eyo ebyayo bye n'okusolozaayo ebimuli ebyetebwa liri.

Isaia 41:19

Ndimeza mu irungu emiti emivule, n'emikasia, n'emyoliva, n'emiti egindi. Ndimeza mu itaka eikalu emiti emisipuressi, n'emipulane, n'emyalumugi, gyonagyona gyakulira ghalala.

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Danieli 2:19

Obwire obwo Katonda yaayoleka Danieli ekyama ekyo mu kubonekerwa. Era Danieli oyo yaasaaka Katonda ow'eigulu,

Danieli 7:13

Mu kubonekerwa okw'omu bwire obwo, naja okulinga nti nga mbona afaanana ng'oti mwana wa muntu, ng'ali kwidhira mu bire. Era yaaja y'Oyo eyaligho okuva eira n'eira, baamwandhulayo.

Danieli 7:2

Yakoba ati: Mu kubonekerwa kwange kwe nafuna obwire, naja okulinga nti nga mbona empewo ng'eri kuva ghaigulu ku ndhuyi dhoonadhoona, yaasiikuula enhandha enkologho.

Zekaria 1:10

Kale malaika oyo eyali ayemereire mu miti egy'ebisaka, yandhiramu ati: “Edho, Musengwa Katonda n'eyadhituma okuja okukebera ensi.”

Zekaria 1:11

Era dhaakobera malaika wa Musengwa Katonda oyo eyali ayemereire mu miti egy'ebisaka, dhiti: “Tumaze okukebera ensi, twabona ng'eri agho etyo.”

Zekaria 1:7

Lwali lunaku lwa makumi abiri na ina olw'omwezi ogweikumi n'omulala ogwetebwa Shebati, mu mwaka ogwokubiri nga Dario ni kyabazinga w'e Perusia. Musengwa Katonda yaayogera ninze Zekaria omulanzi, mutabane wa Berekia era mwidhukulu wa Iddo, mu kubonekerwa obwire.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Yoshua 5:13

Yoshua bweyali ng'akaali agho okumpi n'e Yeriko, yaja okulinga ati, ng'abona omusaadha ng'amwemereire mu maiso, era ng'agemye empiima. Yoshua yaaja y'ali, yaamubuuza ati: “Oli ku luuyi lwaife oba lwa bazigu baife?”

Okwolekebwa 2:1

“Ghandiikira malaika w'Ekikunsu eky'Abaikiriza mu Kurisito eky'Efeso oti: oyo agemye emuunienie omusanvu mu mukono gwe omusaadha, atambulira ghagati gh'ebikondo eby'entaala omusanvu ebya zaabu, akoba ati:

Okwolekebwa 6:2

Naja okulinga nti, nga mbona embalaasi endheru. Eyali ali kugivuga ng'ali n'akalaso. Yaagheebwa engule aje ng'aghangula, era aghangule.

Okwolekebwa 6:4

Yaavaayo embalaasi eyindi, nga myufu. Eyali ali kugivuga, ng'agheereibwa okuleeta entalo ku nsi, abantu baitagane. Era baamugha empiima endeeyiriri.