Zekaria 1:6 - Baibuli Ekibono kya Katonda 2014

⁶ Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Zekaria 1:6 ပူးပေါင်းရင်းမြစ်များ

2 Bakyabazinga 15:12

Ekyo kyatuukiriza Musengwa Katonda kye yasuubiza kyabazinga Yehu, ati: “Ab'eizaire lyo okutuuka ku luse olwokuna, balityama ku kityamo eky'obwakyabazinga bwa Isiraeli.”

Yobu 6:29

Mbeeghembye mweireku mwerowooze mulobe kunsibaku kibi. Mweireku mpegaano, mulobe kunsalira musango kunsinga, kuba ensonga dhange ntuufu.

Isaia 21:17

Waire ng'abalasi b'obusaale Abakedari n'abasinga okuba abalwani ab'amaani, aye abalisigalagho baliba batono. Nze Musengwa Katonda wa Isiraeli, ntyo bwe nkobye.”

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Isaia 55:1

Musengwa Katonda akoba ati: “Mwidhe mwenamwena abali endiwo, mwidhe aghali amaadhi. N'imwe abazira mpiiya mwidhe, mugule emere mulye. Mwidhe mugule omwenge ogw'emizabbibu n'amata aghazira kusasula naire.

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Yeremia 28:17

Agho Hanania yaafa mu mwezi ogwomusanvu ogw'omwaka gwene ogwo.

Yeremia 32:24

Bona, Abababilonia babunze ku kibuga emungo ey'eitaka ey'okuniiniraku, nga benda bakirumbe bakigeme. Olw'okuba ghaligho olutalo, n'endhala, n'endwaire ya kawumpuli, Abababilonia abo baidha kusobola okugema ekibuga kino. Era obona nga bye wakoba byonabyona bituukiriire.

Yeremia 36:28

“Toola enzingo y'ekitabo eyindi, oghandiikeku byonabyona ebyali ku nzingo y'ekitabo ere, kyabazinga Yehoiakimu owa Buyudaaya ye yayokya.

Yeremia 39:16

okukobera Ebedimeleki Omwethiopia nti: “Musengwa Katonda Afuga Amagye, Katonda wa Isiraeli, akoba ati, ‘Bona eno, ndituukiriza bye neesoomera ekibuga kino, naakireetera okuzikirira mu kifo ky'okukireetera ebintu okukijiiranga obukalamu. Ekyo ghe kiribeeragho, weena olibaagho waakibona.

Yeremia 4:4

Mukuume endagaano ye mwakola ninze, nze Musengwa Katonda, era mwegheeyo ye ndi, imwe abantu b'omu Buyudaaya n'ab'omu Yerusalemu, ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mwakola.”

Yeremia 44:2

Musengwa Katonda oyo Afuga Amagye, Katonda wa Isiraeli, yaakoba ati: “Imwe beene mwabona bukalamu akabi ke natuusa ku Yerusalemu, ni ku bibuga ebindi eby'omu Buyudaaya byonabyona. Ni ye buli eno byasigala agho bityo nga biri bifulukwa byereere omutaba bantu,

Yeremia 44:28

Aye ghalibaagho abatono bati ku imwe abaliwona okufa, ni bava e Misiri ni baira mu Buyudaaya. Olwo abo abaliwonagho balimanha oba nga ebibono ebyange n'ebituukiriire, oba ebyaibwe.

Yeremia 44:29

Nze Musengwa Katonda nja kubagha obukakafu obulaga nga ndibabonereza mu kifo kino, era obulaga ng'okuzikirira kwe nabeesoomera okubatuusaaku ndikutuukiriza.

Yeremia 44:6

Kyenava ni mmalira obusungu bwange n'ekiruyi kyange ku bibuga by'omu Buyudaaya, ni mu nguudo dh'omu Yerusalemu. Naabikunaaniaku omuliro, byasigala agho bityo nga bifuuse bifulukwa byereere, nga bwe bikaali ni ye buli eno.

Yeremia 5:14

Kale ni, Musengwa Katonda Afuga Amagye akoba ati: “Bona eno, olw'okuba abantu abo boogeire batyo, ndidha kufuula ebibono byange by'oyogera bibe ng'oti muliro, ate abantu abo babe ng'oti nku. Olwo omuliro gubasenkeenhe ng'oti nku.

Okulira 1:18

Aye Musengwa mutuufu, kuba ninze eyadheemera ekibono kye. Aye bantu imwe muwulire mwenamwena, mubone nga bwe ndaagadaaga. Abaisuka bange n'abaguna boonaboona baabatwala mu bunhage.

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Okulira 3:42

“Wo Musengwa twayonoona twakudheemera, era tiwatusonigha.

Ezekieli 20:43

Nga muli eyo muliidhukira emize gyaimwe n'ebikolwa byaimwe byonabyona bye mweyonoona nabyo. Olwo mwenenia era mwawulira n'enaku olw'ebibi byaimwe byonabyona bye mwakola.

Ezekieli 37:11

Kabiri yankoba ati: “Iwe omuntu ka nkukobere, abantu ab'eighanga Isiraeli lyonalyona bali ng'oti n'amagumba gano. Bakoba bati baakala baawaamu eisuubi lyonalyona, baasaaniragho irala.

Danieli 4:28

Ebyo byonabyona byatuuka ku kyabazinga Nebukadinezzari.

Hosea 5:9

Ensi Isiraeli erifuuka bifulukwafulukwa ku lunaku olw'okubonerezebwaku. Bwenebwene nangirira mu bika bya Isiraeli, nti kye ndikukoba kiri n'okutuukirira.

Hosea 9:15

Musengwa Katonda akoba ati: “Baatandiikira Giligali okukola ebibi. Era eyo nze ye natandiikira okubakyagha. Kale ni ndibabinga mu nsi yange olw'ebibi bye bakola. Tiriiramu kabiri kubagonza. Abakulembeze baibwe boonaboona bandheemera.

Amosi 9:10

Ababi boonaboona baja kwitibwa mu lutalo abo abeekiina nga bakoba bati, ‘Katonda taidha kuganha kibi kyonakyona kututuukaku.’ ”

Zekaria 1:7

Lwali lunaku lwa makumi abiri na ina olw'omwezi ogweikumi n'omulala ogwetebwa Shebati, mu mwaka ogwokubiri nga Dario ni kyabazinga w'e Perusia. Musengwa Katonda yaayogera ninze Zekaria omulanzi, mutabane wa Berekia era mwidhukulu wa Iddo, mu kubonekerwa obwire.

Malaki 3:18

Olwo kabiri muliiramu okwawulagho omutuufu n'omukozi w'ebibi, n'okwawulagho oyo ampeereza nze Katonda n'oyo atampeereza.”

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

Okubala 33:56

Bwe mutalibabingamu, olwo kye nalowooza okukola beene ndikikola imwe.”

Matayo 24:35

Eigulu n'ensi biriwaagho aye ebibono byange tibiriwaagho.

Amateeka Agokubiri 28:15

Musa yaakoba Abaisiraeli ati: “Aye bwe munaalobanga okuwulira Musengwa Katonda waimwe, n'okugema amateeka ge n'ebiragiro bye n'obwegendereza, ebikolimo bino byonabyona biidha kubaidhiranga era bibabeeku:

Amateeka Agokubiri 28:2

Bwe munaawuliranga Musengwa Katonda waimwe, enkabi dhino dhoonadhoona dhinaabaidhiranga, mwadhifuna.

Amateeka Agokubiri 28:20

“Bwe munaakolanga ebibi ni muva ku Musengwa Katonda, Musengwa Katonda oyo aidha kubasindikiranga ebikolimo, okusoberwa era n'okutabulwa, mu byonabyona bye munaakolanga, okutuusa lwe mulizikirizibwa ni muwaagho amangu geene.

Amateeka Agokubiri 28:45

“Ebikolimo ebyo byonabyona biidha kubaidhiranga era bibabeeku, okutuusa lwe mulizikirizibwa. Kuba mwaloba okuwulira Musengwa Katonda waimwe, n'okugema amateeka ge n'ebiragiro bye, bye yabagha.

1 Ab'e Thessalonika 5:4

Aye imwe aboluganda, ti muli mu nzikiiza memale olunaku olwo lubazinduukirize oti mwibi.