Zekaria 1:19 - Baibuli Ekibono kya Katonda 2014

¹⁹ Naabuuza malaika eyali alikwogeranga ninze nti: “Amayiga ago gategeeza ki?” Yandhiramu ati: “Gategeeza amaghanga ag'obuyinza agaasansaania abantu ab'omu Buyudaaya, n'ab'omu Isiraeli, n'ab'omu Yerusalemu.”

Zekaria 1:19 ပူးပေါင်းရင်းမြစ်များ

1 Bakyabazinga 22:11

Agho owundi ku balanzi abo, eriina lye nga ni Zedekia mutabane Kenaana, yeekolera amayiga mu kyuma ekigumu einho, yaakoba ati: “Musengwa Katonda akoba ati, ‘Amayiga gano g'oidha okukozesa okufula Abasiria okutuusa lw'olibaghangula.’ ”

Ezera 4:1

Agho abazigu ab'abantu b'ekika kya Yuda n'ekya Benjamini baawulira ng'abantu abaava mu bunhage bwe baali bali kuzimba obuyaaka eisinzizo lya Musengwa Katonda, Katonda wa Isiraeli.

Ezera 4:4

Agho abantu abaali baba mu kiketezo ekyo baagezaaku okumala mu Bayudaaya amaani nga babatiisatiisa, balekere okuzimba.

Ezera 4:7

Kabiri mu kiseera Arutazerizesi mwe yabeera nga ni kyabazinga w'e Perusia, Bishilamu, ni Mithuredathi, ni Tabeeli, ghalala ni bakagwa baibwe abandi boonaboona, baamughandiikira embaluwa. Embaluwa eyo yakyusibwa okuva mu lulimi Oluaramaika.

Ezera 5:3

Mu kiseera kyene ekyo Tattenai eyafuganga ekiketezo ekiri ere ng'osomoike omwiga Eufurate, ni Shetharibozenai, ni bakagwa baibwe abandi, baidha e Yerusalemu baababuuza bati: “Naani eyabagha obukumu okuzimba eisinzizo lino n'okulimaliriza?”

Zabbuli 75:4

Nkoba abo abeekuluntaza nti mulekere okwekuluntaza; naakoba abakozi b'ebibi nti mulekere kwebona nga muli ba ghaigulu.

Zabbuli 75:5

Mulobe kwekulumbaza, waire okwogera nga mumadalaiza emitwe.”

Yeremia 48:25

Amaani ag'ensi Moabu gatyankiriirwa, n'obuyinza bwayo bwazikirizibwa. Nze Musengwa Katonda, ninze nkobye.”

Danieli 12:7

Agho Malaika oyo eyali avaire ebivaalo ebighegheevu era eyali ere omwiga ye gwali guli kuviira, yaagololera emikono gye gyombi y'eigulu. Era naamuwulira ng'ali kulayira Katonda omulamu ebyanda n'ebyanda, ng'akoba ati: “Giriba emyaka esatu n'ekitundu. Abazigu bwebalikiriga abantu ba Katonda okutuusa okubamala amaani, ebintu ebyo byonabyona birituukirizibwa.”

Danieli 7:16

Kale naatuukirira owundi ku bantu abaali beemereire agho, naamubuuza ekituufu ekigema ku kubonekerwa okwo. Agho yankobera amakulu g'ebyo bye nabonekerwa, ati:

Amosi 6:13

Mweyagala mbu kuba mwagema ekibuga Lodebari, era mwesuuta nga mukoba muti: “Titwaghamba kibuga Karanaimu na maani gaife beene?”

Habakkuku 3:14

Wafumita omuduumizi ow'abalwani be n'obulaso, ku lule lwe baidha okutusansaania nga bali ng'oti ni kiwunga ow'amaani, nga beesuuta ng'oti n'abaja okutuntuza abaavu aghazira kubakobaku naire.

Zekaria 1:18

Kabiri naafuna okubonekerwa okundi, era okuja okulinga nti nga mbona amayiga ag'ensolo ana.

Zekaria 1:21

Nze naabuuza nti: “Abo baidhie kukola ki?” Yandhiramu ati: “Baidhie okudhugumiza n'okusaaniagho amaghanga ag'obuyinza agaatyankirira Buyudaaya, ni gasansaania abantu baamu.”

Zekaria 1:9

Agho naamubuuza nti: “Musengwa, embalaasi edho dhitegeeza ki?” Malaika yandhiramu ati: “Ndidha ku kwoleka kye dhitegeeza.”

Zekaria 2:2

Naamubuuza nti: “Oli kuja gha?” Yandhiramu ati: “Ndi kuja kupima Yerusalemu mbone obuleeyi bwakyo n'obugazi bwakyo.”

Zekaria 8:14

Musengwa Katonda Afuga Amagye akoba ati: “Badhaadha baimwe bwe bansonsoonia ni bandeetera okusungughala, nategeka okubakola akabi era naatuukiriza entegeka eyo aghazira kukyusaamu kirowoozo kyange naire.