Zekaria 1:15 - Baibuli Ekibono kya Katonda 2014

¹⁵ Era nsungughaliire inho amaghanga agali mu miraala, kuba nze nasungughaliraku abantu bange akatono kati, aye amaghanga ago gaayongeranga bwongere kuleetera bantu bange abo kudaazibwadaazibwa.

Zekaria 1:15 ပူးပေါင်းရင်းမြစ်များ

Yobu 30:13

Bazingiiza engira yange baghange okunzikiriza, nga ghazira ababeereireku.

Zabbuli 123:4

Tusiniirwa okuvumibwanga abo abali obukalamu n'okunhoomebwanga abo abeekuluntaza.

Zabbuli 137:7

Wo Musengwa Katonda, idhukira Abaedomu kye baakola ku lunaku Abababilonia lwe baagema Yerusalemu. Baakobanga bati: “Mu kisaaniegho kyonakyona. Mutuukire irala ku musingi!”

Zabbuli 69:26

Kuba baja baakiriga abo b'obonereiza; baayongera obulumi ku abo b'ofumiite.

Isaia 54:8

Nga ndidhwire obusungu obubitirivu, naloba n'okukulingaku okumala akaseera. Aye okuva ni mpegaano ndidha kukugemerwanga ekivunika, olw'okugonza kwange okutawaagho ebyanda n'ebyanda.” Musengwa Katonda Omununuzi wo, atyo bw'akobye.

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 50:33

Musengwa Katonda Afuga Amagye akoba ati: “Abantu Abaisiraeli n'Abayudaaya batuntuzibwa. Era abo boonaboona abaabagema ni babatwala mu bunhage babakuuma butiribiri, aghazira kubalekula kuja.

Yeremia 51:24

Musengwa Katonda era akoba ati: “Mulibona nga neesasuliza ku nsi Babilonia n'abantu baayo, olw'ebibi byonabyona bye baakola Yerusalemu.

Ezekieli 26:2

“Iwe omuntu, mpulira abantu b'e Tiro nga boogera ku Yerusalemu bati, ‘Otyo, Yerusalemu ekyali omulyango ogw'obusuubuzi bw'amaghanga nga bwe bakimenhie ni kifuuka ebifulukwa, buti niife twize mu kifo kyakyo, tukombaghale.’

Amosi 6:1

Mukagwireku imwe abali obukalamu mu Sioni! Mukagwireku imwe abawulira emiraala nga muli eyo ku nsozi edh'e Samaria imwe abantu ab'ebitiisa mu ighanga eikologho ery'Abaisiraeli, imwe Abaisiraeli boonaboona ye baidha okunoonia obuyambi.

Habakkuku 3:12

Watambula mu nsi ng'oliku ekiruyi, era waatyankirira amaghanga mu busungu obungi.

Zekaria 1:11

Era dhaakobera malaika wa Musengwa Katonda oyo eyali ayemereire mu miti egy'ebisaka, dhiti: “Tumaze okukebera ensi, twabona ng'eri agho etyo.”

Zekaria 1:2

Yaamukoba ati: “Nze Musengwa Katonda nasungughalira inho badhaadha baimwe.

Zekaria 14:12

Musengwa Katonda alibonereza abantu b'amaghanga agalitanula olutalo ku Yerusalemu, ng'abasindikira endwaire embi einho: emibiri gyaibwe girivunda nga bakaatambula, amaiso gaibwe gaabavundira mu bighanga, n'enimi dhaibwe dhaabavundira mu kanwa.

Zekaria 6:8

Agho malaika yaakaabuka yankoba ati: “Bona eno, embalaasi edhijiire ku luuyi olw'omukono omugooda olw'e buvandhuba dhireeteire obusungu bwa Musengwa Katonda okuwoleera.”