Zefania 3:19 - Baibuli Ekibono kya Katonda 2014

¹⁹ Mu kiseera ekyo nja kubonereza abo ababatuntuza boonaboona; nja kuwonia abalema, era nsololeze ghalala abo abaatwalibwa mu bunhage. Okubairenga okuswala kwaibwe nja kukufuula kitiisa kyaibwe, era bamanhibwe ensi yoonayoona.

Zefania 3:19 ပူးပေါင်းရင်းမြစ်များ

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 33:1

Mukagwireku imwe abazikiriza banaimwe, ate nga imwe ghazira abazikirizangaku; n'imwe abaghemukira abantu ni mubeefuulaku ate nga imwe ghazira abaghemukirangaku n'abeefuulaku. Ekiseera kyaimwe eky'okuzikiriza bwe kiriwaaku, olwo mwena balibazikiriza; era ekiseera kyaimwe eky'okughemukira abantu nga mubeefuulaku bwe kiriwaaku, olwo mwena balibaghemukira baabeefuulaku.

Isaia 60:14

Era abaana b'abo abaakutuntuzanga, baliidha baakukubira amakiryaivu; n'abo boonaboona abaakunhoomanga balikotesa emitwe gyaibwe agho gha bigere byo, baakweta ‘Ekibuga kya Musengwa Katonda,’ baakweta ‘Sioni, Ekibuga kya Katonda, Omutukuvu wa Isiraeli.’

Isaia 60:18

Obukambwe tibuliwulirwaku kabiri mu nsi yo, era ensi yo terizikirizibwa waire okufuuka ebifulukwafulukwa. Ebimante byo ebikwezungulwire olibyeta ‘Bulokozi bwa Musengwa Katonda,’ n'emiryango gyo waagyeta ‘Kusaaka Musengwa Katonda.’

Isaia 61:7

Mulibanga mu nsi eyaimwe ku bwaimwe, obukombe bwaimwe bweyongerangaku obungi bwa mikuzi ebiri, mu kifo kyaimwe okwira agho okugemwanga obw'ensoni n'okunhoomebwa. Era eisanhu lyaimwe liribangagho ebyanda n'ebyanda.

Isaia 62:7

Batamuganha kuwuumulaku naire, okutuusa ng'aiziizaagho Yerusalemu obuyaaka, yaakireetera okusaakibwa mu nsi yoonayoona.

Yeremia 30:16

Aye mpegaano imwe abantu bange mulobe kutya: Abo boonaboona ababaita, boona baliitibwa. Abazigu baimwe boonaboona balitwalibwa mu bunhage. Abo boonaboona ababatuntuza, boona balituntuzibwa. N'abo ababanhagaku ebyaimwe, boona balinhagibwaku ebyaibwe.

Yeremia 30:19

Abantu abakibaamu balyemba enhembo edh'okwebaza, baakuba emizira nga basagamba. Ndibagha enkabi beeyongera okuba abangi nga tibakendeera naire. Abantu balibaghanga ekitiibwa aghazira kunhoomebwa.

Yeremia 31:8

Bona eno, ndibaiza okuva mu bunhage mu nsi eri ku luuyi olw'omukono omugooda olw'e buvandhuba, naabasoloza okuva eghala einho. Abatulu n'abalema, abakazi abali enda n'abali okumpi okuzaala, boonaboona baliidhira ghalala nabo. Baliira baaba eighanga eikologho.

Yeremia 33:9

Ekibuga kino Yerusalemu kirindeetera eisanhu n'ekitiisa era kyaneesiimisa. Amaghanga goonagoona ag'omu nsi galitya era gaadhugumira nga baboine nga bwe nkolera abantu b'omu Yerusalemu ebirungi, era nga bwe mbaleetera ebintu okubajiira obukalamu.”

Yeremia 46:28

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Ezekieli 16:27

“Kale buti ngalwire omukono gwange okubabonereza. Era nja kukendeeza ku mugabo gwo, nkugheeyo y'abazigu bo Abafilisiti abakweguguna obwegugune, era abeesinwa eira ebikolwa byo eby'obwenzi.

Ezekieli 16:57

era nga n'ebibi byo bikaali kumanhika? Aye mpegaano weena Abaedomu, n'Abafilisiti, n'abo boonaboona abakukyagha abakwezungulwire, bali kukunhooma.

Ezekieli 34:16

Ndinoonia edhibuze, naiza edhitambuliratambulira eyo dhityo, edhimenheike naadhisibaku ekintu dhaayunga, n'enafu naadhiizaamu amaani. Era edho edhaageedha edh'amaani ndidhirabirira, kuba nze ndi mwayi akolera ku mazima.

Ezekieli 39:13

Abantu b'omu Isiraeli boonaboona balibeeraganwa baaziika emirambo egyo, era ekyo kiribaleetera okuteebwamu ekinhagansi, ku lunaku lwe ndyoleka ekitiisa kyange. Nze Musengwa Katonda ninze nkobye.

Ezekieli 39:26

Bwe baliiramu kabiri okuba mu nsi yaibwe mu miraala nga ghazira abatiisa naire, balyerabira bwe baaswazibwa olw'obutaba beesigwa ye ndi.

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Zefania 3:15

Musengwa Katonda atoiregho ekibonerezo kyaimwe, abinze abazigu baimwe boonaboona. Musengwa Katonda oyo kyabazinga wa Isiraeli ali mu imwe buti, ghazira kye mukaatya.

Zekaria 8:23

Era Musengwa Katonda oyo Afuga Amagye akoba ati mu biseera ebyo, abantu ikumi abamaghanga agandi balyegema ku Muyudaaya mulala, nga bakoba bati, ‘Tuganhe tuje n'iwe, kuba twawulira tuti Katonda ali n'imwe.’ ”

Amateeka Agokubiri 26:19

memale olwo abafuule bakologho okusinga amaghanga agandi goonagoona ge yatonda abantu babasaakenga era babatengamu ekitiisa, nga muli bamanhifu, era mubeerenga irala ighanga lya Musengwa Katonda nga bwe yasuubiza.”

Abaheburayi 12:13

Mutambulirenga mu ngira enkalamu, aghenhera alobe kulemalira irala aye awone.

Okwolekebwa 20:9

Balisaatuukira mu nsi yoonayoona, baazingiza enkambi y'abatuukirivu, n'ekibuga kya Katonda ekigonzi. Aye omuliro guliika nga guva mu igulu, gwabazikiriza

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.