Zefania 3:18 - Baibuli Ekibono kya Katonda 2014

¹⁸ ng'ali masanhu meereere ng'oti n'omuntu ali ku mbaga.” Musengwa Katonda akoba ati: “Nja kutoolagho akabi ke neesoomera okubasindikira, era mbatooleku okuswazibwa.

Zefania 3:18 ပူးပေါင်းရင်းမြစ်များ

Zabbuli 43:3

Nsindikira obutangaavu bwo n'amazima go, bindholeke engira, bindeete ku lusozi lwo olutukuvu, ni mu isinzizo lyo mw'oba.

Zabbuli 79:4

Tufuuse ekivume eri amaghanga agatuliiraine, era batuyeeyereza bwe batusekerera.

Yeremia 23:3

Nze mwene ndidha kusoloza abantu bange abaliwonagho nga mbatoola mu nsi dhoonadhoona ye nababingira, mbaize mu nsi yaibwe. Balizaalagana baaba kamaala.

Okulira 1:4

N'enguudo edhingira mu kibuga ekyo Sioni dhirira bulire, kuba abantu tibakaidha ku mbaga dha bibinuko bya kusinza Katonda ebyalagirwa. Emiryango gyakyo giwuubaire, ghazira akaabitamu. Bakabona baamu bali mu nnaku. Abaghala baamu abaayembanga bali agho badaaga budaage. Ekibuga kyonakyona kiri mu bulumi obutaloodheka.

Okulira 1:7

Mu biseera ebyo eby'okudaazibwadaazibwa, ab'omu Yerusalemu baidhukira ebintu byaibwe eby'omughendo, bye baalinga nabyo mu biseera ebyabita. Baidhukira bwe baaghangulwa abazigu ni ghabula omuntu ababeeraku yeenayeena. Abazigu baibwe abo baabalingirira baabasekerera olw'okughangulwa okwo.

Ezekieli 34:13

Ndidhitoola eyo mu maghanga, naadhisoloza okuva mu nsi ye dhaasansaanira, naadhiiza mu nsi yaadho. Naadhaayiranga ku nsozi edh'omu Isiraeli, aghali ensulo edh'amaadhi, mu bifo ebibaamu abantu.

Ezekieli 36:24

Ndibatoolayo eyo mu maghanga, naabasolozaayo eyo mu nsi dhoonadhoona, naabaiza mu nsi eyaimwe.

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Hosea 1:11

Abantu ab'omu Buyudaaya n'ab'omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw'e Yezireeli luliba lukologho inho.

Hosea 9:5

Mulikola mutya ku nnaku edh'ebibinuko ebyalagirwa, enaku edh'okukuza embaga ya Musengwa Katonda?

Zefania 3:20

Mu kiseera ekyo mwenamwena nja kubasololeza ghalala mbaize eka. Bwenebwene nja kubafuula bamanhifu era abasaakibwa mu nsi yoonayoona, era mbairizeegho ebirungi nga mwenamwena mubona.” Musengwa Katonda n'akobye.