Zefania 3:13 - Baibuli Ekibono kya Katonda 2014

¹³ Era abantu abo abaliwonagho mu Isiraeli tibalikola kisobu naire, tibalyogera bya buguya, oba okukozesa olulimi olubuzaabuza. Baidha kubanga bulungi nga bazira kye badhulirira, era nga ghazira kintu kyonakyona kibatiisa.”

Zefania 3:13 ပူးပေါင်းရင်းမြစ်များ

2 Ebyomubyanda 20:30

Kale obwakyabazinga bwa Yehoshafati bwaba bwa miraala, kuba Katonda yamugha emiraala ku ndhuyi dhoonadhoona.

Yobu 11:19

Oidha kutendukanga nga ghazira akutiisa; abantu kamaala baidha kukusabanga obuyambi.

Zabbuli 119:3

era abatakola bibi, ni bajiira ku by'ayenda.

Zabbuli 120:2

Naakoba nti: “Wo Musengwa Katonda, mponia abantu abaguya, aboogera eby'okusubagha.”

Zabbuli 120:3

Abaguya imwe! Oba Katonda alibakola atya? Oba alibabonereza na ki?

Zabbuli 23:2

Aghali eisubi eirungi, gh'andeka okuwuumulira, era antwala aghali amaadhi amalaavu.

Isaia 17:2

Ebibuga by'e Aroeri biidha kusigala nga biziramu bantu ebyanda n'ebyanda. Biidha kubanga byayiro bya ntaama na mbuzi, dhibenga omwo nga ghazira adhitiisa naire.

Isaia 35:8

Ghalibaagho oluguudo olulyetebwa “Engira ey'Obutukuvu.” Buli atali mulongoofu talibita mu ngira eyo. Era abaligitambuliramu ni bwe baliba abasiru einho, tibaja kubulira mu ngira eyo.

Isaia 54:14

Okukola amazima n'obutuufu birikuleetera okuba ow'amaani. Oliwona okutuntuzibwa, era ebintu ebitiisa tibiriseeta gh'oli.

Isaia 6:13

Era ni bwe ghalisigalagho mu nsi eyo omuntu omulala omulala ku buli bantu eikumi, yeena alizikirizibwa kabiri, yaaba ng'oti n'ekikolo eky'omuti omukologho, ekisigalagho nga gutemeibwagho.” Ekikolo ekyo n'ekiba ensigo kwe gusibukira.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Isaia 65:10

Balinsinzizanga e Sharoni era baatwalanga ebyayo byaibwe, baabyayira mu biketezo eby'e Sharoni eyo, ate byawuumuliranga mu kyetebwa Ekiiko eky'Ebizibu.

Yeremia 23:4

Ndibateeragho abakulembeze okubalabiriranga, abantu bange abo baalekera agho okutya n'okweraliikirira, era ghaaloba kubaagho waire omulala ati abula. Nze Musengwa Katonda, ninze nkobye.”

Yeremia 30:10

Kale ni, imwe abantu bange Abaisiraeli, mutatya, waire okweraliikirira. Mubone eno, nze ndibanunula, naabatoola mu nsi eyo ey'eghala, ensi ye mulimu ng'abasibe. Muliira ewaimwe mwatyama mwatereera nga muli mu miraala, era nga ghazira kibatiisa naire.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Ezekieli 39:26

Bwe baliiramu kabiri okuba mu nsi yaibwe mu miraala nga ghazira abatiisa naire, balyerabira bwe baaswazibwa olw'obutaba beesigwa ye ndi.

Yoeli 3:17

“Olwo mulimanha nga ninze Musengwa Katonda waimwe, era nga mba ku lusozi lwange olutukuvu Sioni. Yerusalemu kiriba kibuga kitukuvu, era abagwira tibaliiramu kukighangula kabiri.

Yoeli 3:21

Ndyesasuuza olw'omusaayi gw'abo abaitibwa aghazira kusaasira muntu yeenayeena aliku musango. Era nze Musengwa Katonda ndidha kubanga mu Sioni.”

Abalevi 26:6

“Nnaabaghanga emiraala mu nsi yaimwe, mwatendukanga nga ghazira kibatiisa. Era ndimalagho ensolo edh'akabi mu nsi yaimwe, ensi yaimwe yaaloba kubangamu ntalo.

Mika 4:4

Buli muntu aidha kuwuliranga emiraala ng'ali mu masamba ge ag'emizabbibu n'ag'emiti emitiini, nga ghazira muntu yeenayeena amutiisa naire. Kuba Musengwa Katonda afuga amagye, mwene n'akobye.

Mika 4:7

Waire nga balema era nga baatwalibwa eghala einho okuva ewaibwe, ndidha kubafuula bakaawonagho era mbafuule eighanga ery'amaani. Era nze Musengwa Katonda mwene, ndidha kubafugiranga ku lusozi Sioni okuva n'olwo okutuusa ebyanda n'ebyanda.”

Mika 7:14

Wo Musengwa Katonda, ife abantu bo be weerondera okuba ababo ku bubwo, tulabirire ng'omwayi bw'agema omwigo n'alabirira entaama dhe. Waire tuli eyo twenka mu irungu, aye ensi etwezungulwire ngimu. Tuleke tuje tukozese ebiketezo by'e Bashani n'e Gileadi ebigimu obulungi nga bwe twakolanga eira.

Zefania 2:7

Ekiketezo ekyo eky'oku nhandha kija kufuuka kya Bayudaaya. Eyo ye balyayiranga ebyayo byaibwe, era baasula mu ndhu edh'omu kibuga Ashikeloni kuba Musengwa Katonda waibwe aidha kubalabiriranga, abaleetere ebintu kabiri okubajiiranga obukalamu.

Zefania 3:5

Aye Musengwa Katonda ali mu kibuga omwo, era akola bituufu byonka, takola kibi. Buli nkyo, aghazira kwosaamu, ayoleka ng'aziramu kwekubira. Aye abatenda kujiira ku mazima tibabaamu na nsoni, bongera kukola bibi.

Zekaria 8:12

Baidha kusiganga emere nga bali mu miraala, emizabbibu gibalenga ebibala, eitaka lyeyongerenga okubaaku ebirime, n'amaadhi gagwenga. Ebyo byonabyona ndibigha abantu b'eighanga lino abaawonagho.

Zekaria 8:16

Bino bye mugwaine okukolanga: buli muntu akobere mwine amazima. Musalenga mu mazima mu mbuga dhaimwe edh'amateeka, mu nsambo ereetagho emiraala.

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Matayo 13:41

Omwana w'Omuntu alituma bamalaika be baasunsula mu Bwakyabazinga bwe ebyo byonabyona ebireetera abantu okwonoona, era n'abakola ebibi

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

Ab'e Kolosai 3:9

Mutasubaghagananga kuba mwalekayo obulamu obw'eira n'ebikolwa byabwo ebibi.

1 Petero 3:14

Ni bwe munaadaazibwadaazibwanga olw'okukola ekituufu, muli ba nkabi. Mutatyanga muntu yeenayeena waire okweraliikirira,

1 Yoanne 5:18

Twidhi ng'oyo yeenayeena azaalibwa Katonda takola kibi, kuba oyo Omwana wa Katonda amukuuma, omubi yaaloba kumutuukaku.

Okwolekebwa 14:5

Tiboogerangaku bya kusubagha era baziraku kibi kyonakyona.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”