Zefania 2:3 - Baibuli Ekibono kya Katonda 2014

³ Imwe abantu ab'ensi eno abeesigwa eri Musengwa Katonda era abagondera ebiragiro bye, mukole ebyo ebituufu era muteekuluntaza mu maiso ga Musengwa Katonda. Oba katyo mwakawona ekibonerezo ku lunaku Musengwa Katonda lw'aja okulagiraku obusungu bwe.

Zefania 2:3 ပူးပေါင်းရင်းမြစ်များ

2 Samueli 12:22

Yaabakoba ati: “Kituufu, omwana bweyali ng'akaali mulamu, nasiiba era naalira nga nkoba mule nti, ‘Tomanha, oba katyo Musengwa Katonda aidha kungemerwa ekivunika, omwana alobe kufa?’

Zabbuli 105:4

Musabe Musengwa Katonda ababeerenga; mumusinzenga nga muli gh'ali ekiseera kyonakyona.

Zabbuli 149:4

Musengwa Katonda asangaalira abantu be; abo abawombeefu yaabatuusa ku kitiisa eky'obughanguzi.

Zabbuli 22:26

Abaavu balirya baiguta; abo abanoonia Musengwa Katonda balimusaaka! Mbendeza mubenga bwera ebyanda n'ebyanda!

Zabbuli 31:20

Obagisa gh'oli, waalobera abo ababeekobaana baaloba kubatuukaku. Obakuumira agheekusifu waabawonia ebivumo eby'abazigu baibwe.

Zabbuli 45:4

Iwe kyabazinga, ja mu lutalo obe mughanguzi ng'olwanirira amazima n'obutuufu. Amaani go ka gakole ebyewuunhisa!

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Zabbuli 76:9

iwe ng'ositwike okukoba kye wasalagho, okulokola abo boonaboona abadaazibwadaazibwa abali ku nsi.

Zabbuli 91:1

Omuntu asula mu ndhu y'oyo Ali Ghaigulu Yeene, n'akuumibwa oyo Aghanga Ebintu Byonabyona,

Okuvaayo 12:27

Mubairangamu muti, ‘Ogwo n'omusengo ogugheebwayo olw'okwebaza Musengwa Katonda olw'Okutubitiza, kuba yabitiza endhu edh'Abaisiraeli nga tuli mu Misiri, lwe yaita abaana abalenzi ababeri ab'Abamisiri n'atulekera abaife nga balamu.’ ” Agho Abaisiraeli baakuba amakiryaivu baasinza Musengwa Katonda.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Isaia 1:17

mwege okukolanga ebirungi. Mufubenga okukola mu butuufu, mulekezenga agho abantu okutuntuza banaibwe, mulwanirirenga bamulekwa era muwolerezenga banamwandu.”

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Isaia 61:1

Omwoyo gwa Musengwa Katonda gundiku, kuba yansiiga omuzigo, yantuma okukobera abadaazibwadaazibwa amawulire amalungi. Yantuma okugumya abaawaamu emyoyo, n'okulangirira eri abali mu bunhage nti baidha kulekulwa babe ba idembe, n'abasibe nti baidha kusibulwa mu ikomera.

Yeremia 39:18

Bwenebwene ndikuwonia baaloba kukwita, waawoniagho obulamu bwo olw'okuneesiga. Nze Musengwa Katonda, ninze nkobye.’ ”

Yeremia 45:5

Obwo iwe oli kwenda obisibwe mu nsambo ey'endhawulo? Busa naire, ebyo biveeku. Ndidha kuleeta akabi ku bantu boonaboona. Aye iwe weesuneku, kuba oidha kuwoniangagho obulamu bwo, eyo yoonayoona y'olija. Nze Musengwa Katonda, ninze nkobye.”

Ezekieli 13:5

Tibakuuma mu bifo ebimante ghe byawomolwa ebituli, waire okuzimba obuyaaka ebimante ebyo, basobole okulwanirira abantu b'eighanga Isiraeli mu lutalo, ng'olunaku lwa Musengwa Katonda lutuuse.

Hosea 10:12

Nze naakoba nti, ‘Mulime enimiro dhaimwe edhaawuumuzibwaku okulimwa, musige ensigo ey'obutuufu. Mwidha kukungula ebibala olw'okungonza nze obutalekera. Kino n'ekiseera okuunoonia nze Musengwa Katonda. Era ndidha kwidha mbamwageku emikisa egy'obulokozi mingi ng'oti n'amaadhi agagwa.’

Hosea 7:10

Okwekuluntaza okw'Abaisiraeli kubalumiriza omusango. Aye waire ng'ebyo byonabyona bibairegho, tibakyukangaku ni baira eri nze Musengwa Katonda waibwe.

Yona 3:9

Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

Zekaria 8:19

“Okusiiba kwaimwe okw'omu mwezi ogwokuna, n'okw'omu gwokutaanu, n'okw'omu gwomusanvu, n'okw'omu gweikumi, kulifuukamu biseera bya masanhu na kusagamba eri ab'eighanga Buyudaaya nga bali mu bibinuko. Agho ni mugwaine mugonzenga okukolerera amazima n'emiraala.”

Matayo 5:5

Ba nkabi abawombeefu, kuba baligheebwa ensi Katonda ye yasuubiza.

1 Ab'e Thessalonika 4:1

Aboluganda, mwatwegeraku nga bwe mugwaine okwebisa memale musobole okusiimya Katonda, era ekyo kye mubaire mukola. Mperaano tubeeghembye era tubakubiriza mu liina lya Musengwa Yesu, mukole mutyo ate era mwongeremu n'amaani,

1 Ab'e Thessalonika 4:10

Era kino kye mubaire mukola, nga mugonza aboluganda boonaboona abali mu Makedonia mwonamwona. Aye era aboluganda, tubeeghembye mweyongere bweyongere.

1 Petero 1:22

Nga bwe mwamala okutukuza emyoyo gyaimwe nga mugondera amazima, ni mugonzania ng'aboluganda, mweyongere okugonzania n'omwoyo oguziramu buguya.

1 Petero 3:4

Aye bubenga mu mwoyo munda, n'omube mube eky'omughendo ekitayonooneka eky'obuwombeefu n'emiraala. Bino bya mughendo inho mu maiso ga Katonda.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.