Zefania 2:14 - Baibuli Ekibono kya Katonda 2014

¹⁴ Kija kufuuka ekifo ebyayo n'ensolo edh'omu nsiko mwe birambaala ebiwigulu nga mwe bisula era byaba ku madinisa byawigula. Amakoova gaja kulirira mu miryango gyakyo. Embaawo edh'emivule dhe baazimbisa dhoona dhija kutwalibwa.

Zefania 2:14 ပူးပေါင်းရင်းမြစ်များ

Zabbuli 102:6

Ndi ng'oti nhonhi ya mu irungu, era nfuuse ng'oti kiwigulu eky'omu mayumba agaavaamu abantu.

Isaia 14:23

Ndikifuula ekifo ekibaamu obw'ebiwigulu n'ebidiba by'amaadhi, era ndikyeya n'olweyo oluzikiriza. Nze Musengwa Katonda Afuga Amagye ntyo bwe nkobye.”

Yeremia 22:14

Akagwireku oyo akoba mule ati, ‘Ndidha kwezimbira endhu enkologho, ng'eriku ebisenge ebya ghaigulu ebigazi. Ngiteeku amadinisa, ngidholigedholige n'embaawo edh'omuvule, era ngisiige langi ya kasaayisaayi.’

Amosi 9:1

Nabona Musengwa Katonda ng'ayemereire ku mbali kw'alutaari, era yaalagira ati: “Kuba emitwe egy'empagi edh'eisinzizo okutuusa lwe linaatengeeta. Era menha emitwe egy'empagi edho dhikube emitwe egy'abantu boonaboona. Abo abataafe mu nsambo eyo, ndidha kubasindika bafiire mu lutalo. Ku abo ezira aja kulumukagho waire okuwonagho.

Zefania 2:6

Ekiketezo kyaimwe eky'oku nhandha kija kufuuka kyayiro, nga kiidhwire entindi edh'abaayi n'ebigo eby'ebyayo byaibwe.

Okwolekebwa 18:2

Yaayogera n'eiroboozi ery'amaani ati: “Agwire, agwire Babiloni omukologho! Afuuse kifo omwesololeza emizimu emibi egya buli nsambo, na kiisi nhonhi mbi etali nongoofu.