Zefania 1:2 - Baibuli Ekibono kya Katonda 2014

² Musengwa Katonda yakoba ati: “Nja kuzikiriza ebintu byonabyona ebiri ku nsi:

Zefania 1:2 ပူးပေါင်းရင်းမြစ်များ

Amainhama 6:7

Yaakoba ati: “Ndidha kusaaniagho omuntu ye natonda ave ku nsi, era nsaaniegho n'ensolo, n'ebyeghaluliza ku itaka, n'enhonhi, kuba neidhwisa ekyabintonza.”

2 Ebyomubyanda 24:24

Waire ng'eigye ery'Abasiria lyali itono, Musengwa Katonda yaligha okughangula eigye ly'Abayudaaya eryali eikologho lyene kuba abantu b'omu Buyudaaya baali baviire ku Musengwa Katonda, oyo Katonda wa badhaadha baibwe. Kale kyabazinga Yoashi baamubonereza batyo.

2 Ebyomubyanda 36:21

Ekyo kyabaagho okutuukiriza Musengwa Katonda bye yayogera ng'abita mu Yeremia omulanzi, ati: “Ensi erirekebwa agho etyo okumala entangama ya myaka nsanvu ng'ewuumula, olw'okwesasuuza ekiwuumulo kya Sabbato kye baali tibakuzanga.”

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Yeremia 34:22

Nze Musengwa Katonda ndiragira Abababilonia baira okulumba ekibuga kino, era baakirwanisa baakigema, baakyokya omuliro. Ebibuga eby'omu Buyudaaya ndibifuula bifulukwa byereere, ghaabulagho omuntu abibaamu. Nze Musengwa Katonda, ninze nkobye.”

Yeremia 36:29

Era kyabazinga oyo omukobe oti, ‘Wayokya enzingo y'ekitabo era waabuuza Yeremia lwaki yaghandiika ati kyabazinga ow'e Babilonia aliidha yaazikiriza ensi eno, era yaita abantu baamu n'ensolo dhaamu.’

Yeremia 7:20

Kale ni bona eno, obusungu bwange n'ekiruyi kyange ndidha kubimalira ku kifo kino, ni ku bantu, ni ku nsolo, ni ku miti, ni ku birime, ng'oti n'omuliro omuntu gw'atasobola kuzikiza.”

Okulira 2:17

Musengwa alwire eira yaatuukiriza ekigendererwa kye, nga bwe yatwesoomera. Era nga bwe yasalagho eira einho, azikiriiza ng'aziramu na kusaasira. Aghaire abazigu baife okusagamba olw'obughanguzi, yaabongera okuba ab'amaani einho.

Mika 7:13

Aye ensi eja kufuuka irungu olw'abo abagibaamu ng'ebyo n'ebibala bye bakungula mu bikolwa byaibwe ebibi.