Zabbuli 94:21 - Baibuli Ekibono kya Katonda 2014

²¹ Beeteesa okulumba abantu abalungi, baasalira abantu ogw'okufa abaziraku musango.

Zabbuli 94:21 ပူးပေါင်းရင်းမြစ်များ

1 Bakyabazinga 21:19

Oidha kumukoba oti, ‘Musengwa Katonda akoba ati, omaze okutemula omuntu, obwo era otwale n'ebintu bye?’ Era oidha kumukoba oti, ‘Musengwa Katonda akoba ati, mu kifo mwene embwa mwe dhaakombeire omusaayi gwa Nabothi, era mwe dhiidha okukombera n'ogugwo.’ ”

2 Ebyomubyanda 24:21

Aye abantu baamukolera olukwe, baamukubira amabaale mu luya lw'eisinzizo, nga baajiira ku kiragiro kya kyabazinga.

Zabbuli 106:38

Baayughanga emisaayi egyo egiziraku musango, egy'abaana baibwe abalenzi n'abaghala be baaghangayo ng'emisengo eri ebintu ebyo ab'e Kanaani bye baasinzanga ebitali Katonda. Olwo ensi yaafuuka nnhonoonefu olw'obutemo obwo.

Zabbuli 22:16

Ekikuukuulu eky'abakozi ab'ebibi kineezungulwire, bali ng'oti gabwa geene. Banfumiite engalo n'ebigere.

Zabbuli 56:6

Beekolamu obukuukuulu mu ngiso, baanondoola mu buli kye nkola, nga banoonia akaghagaanhia okundhita.

Zabbuli 59:3

Bona ere, baneeteeze benda kundhita; abantu abakambwe beesoloiza baanumbe. Ti lwa kuba nti ndaaliimye oba nti nkoze ekibi kyonakyona.

Okuvaayo 23:7

“Weesambirenga irala okughaayiriza omuntu yeenayeena. Omuntu aziraku musango era omutuufu, otamusaliranga gwa kufa. Kuba tiriroba kuvunaana kiisi mukozi wa kibi.

Ensambo 1:11

Kuba basobola okukoba bati: “Idha tweteege omuntu tumwite, tulumbe omuntu aziraku musango tumugwikirize.”

Ensambo 1:16

kuba banguyiriza inho okukola ebibi, era okwita kubanguyira inho.

Ensambo 17:15

Musengwa Katonda yeenhinhata oyo eyeedheereza omubi eyaiza omusango, n'oyo asalira omutuufu omusango okumusinga ate nga tagwizanga.

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Ezekieli 22:12

Era mu iwe mulimu abagulirirwa okutemula abantu. Mwabaamu abawola banaibwe olw'okubafunaku amagoba olwo beene beeyongere okuba abakombe. Era mwabaamu n'abatoola ebintu bya banaibwe mu kukupankupania. Abantu abo baaneerabira ira.” Musengwa Katonda atyo bw'akoba.

Ezekieli 22:27

Abakulembeze baamu bali ng'oti misege egikankanula kye gigemye. Baita abantu baabazikiriza, basobole okutwala ebintu byaibwe, bakombaghale.

Ezekieli 22:6

“Bona eno, abakulembeze ab'omu Isiraeli ababa mu iwe, baita abantu nga bakozesa obukumu bwaibwe.

Danieli 6:8

Mpegaano ni, Isebantu kyabazinga, kola ekighandiiko eky'ekiragiro ekyo okiteeku n'ekinkumu, kibe nga tikisoboka kukyusibwamu, ng'oti n'amateeka ag'Abamedi n'Abaperusi bwe gatamenhebwagho naire.”

Matayo 27:1

Obwire bwe bwakya, Bakabona Abakulu boonaboona n'abakulu ab'ebika baateesa ensambo ey'okwitamu Yesu.

Matayo 27:4

Yaabakoba ati: “Nayona okughaayo omusaayi ogw'omuntu azira musango.” Aye baamukoba bati: “Ebyo bibyo ife tibitugemaaku.”

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

Yakobo 5:6

Omuntu azira musango mwamusalira omusango okumusinga, mwamwita. Tiyaghaghaana!

Okwolekebwa 17:6

Naabona ng'omukazi atamiire omusaayi gw'abatuukirivu, n'ogw'abo abaitibwa olw'okudhulira Yesu. Bwe namubona, neewuunhia inho!