Zabbuli 94:13 - Baibuli Ekibono kya Katonda 2014

¹³ Iwe omugha okuwuumulaku ebizibu, okutuusa lw'obonereza ababi.

Zabbuli 94:13 ပူးပေါင်းရင်းမြစ်များ

Yobu 34:29

Katonda bw'asalagho obutabaaku ky'akolagho, naani asobola okumusalira omusango okumusinga? Bw'agisa amaiso ge, naani asobola okumubona, k'abe omuntu omulala ati oba eighanga eiramba?

Zabbuli 49:5

Tiidha kutyanga nga ndi mu buzibu, waire ng'abankiriga baneezungulwire,

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zabbuli 9:15

Abatatya Katonda baagwa mu biina bye baasima okutega abantu abandi era baagwa mu ntuula beene dhe baatega.

Yeremia 18:20

Omuntu akoze ekirungi, bwenebwene agwanira kusasulwamu kibi? Oidhukira nga bwenaidhanga y'oli ni mbawolerezaagho olobe kubamaliraku busungu. Aye ate buti basimye ebiina nga benda ngwemu nfe!

Yeremia 18:22

Basindikire eikuukuubira ery'abanhazi libazinduukirize libagweku, olwo bawowoole mu ndhu dhaibwe; kuba basimye ebiina mbigwemu, bantega n'emitego gingemye.

Habakkuku 3:16

Bwe mpulira ebyo byonabyona ndhugumira, n'ensaya dhantengera olw'okutya. Amagumba gange gaanafugha, n'ebigere byange byatengeeta ku itaka. Ndidha kusirika nteegerere olunaku Katonda lw'alituusa obuzibu ku abo abatulumba.

Abaheburayi 4:9

Kale ni abantu ba Katonda bakaaliyo n'okuwuumula ng'okwa Katonda okw'olunaku olwomusanvu.

2 Petero 2:9

Ebyo biraga nga Katonda aidhi okutoola abamutya mu buzibu, era n'okukuumira ababi mu kubonerezebwa okutuusa ku lunaku olw'okusalirwaku omusango.

Okwolekebwa 11:18

Abantu abataikiriza baidhula inho, aye obusungu obubwo bwaidha, ekiseera kyatuuka eky'okusalira abafu omusango, n'eky'okugheeramu empeera abagheereza bo abalanzi, n'abatuukirivu, n'abantu bo boonaboona abakutya, abakulu n'abato; era ekiseera eky'okuzikiririzaamu abo abazikiriza ensi.”

Okwolekebwa 14:13

Naawulira amamiro agava mu igulu nga gakoba gati: Ghandiika oti: “Okuva ni buti ba nkabi abafu abafiira mu Musengwa! Mwoyo akoba ati: Bwenebwene ba nkabi! Okuva ni buti bawuumwire mu kutakabana kwaibwe, kuba ebikolwa byaibwe bibanonereza.”