Zabbuli 92:5 - Baibuli Ekibono kya Katonda 2014

⁵ Wo Musengwa Katonda, by'okola byewuninkiriza! Ebidhuubo byo biswikiriire inho okutegeera okw'omuntu!

Zabbuli 92:5 ပူးပေါင်းရင်းမြစ်များ

Zabbuli 104:24

Wo Musengwa Katonda, nga wakola ebintu nga bya nsambo kamaala! Ate waabikola mu magezi amangi oti ki! Ensi eidhwire ebitonde byo.

Zabbuli 111:2

Ebintu Musengwa Katonda by'akola bikologho ate bikulu, abo boonaboona ababyenda babyetegereza.

Zabbuli 139:17

Wo Katonda wange, ng'ebidhuubo byo bya mughendo inho ye ndi! Bw'obisoloza nga biba kamaala!

Zabbuli 36:6

Obutuufu bwo bugulumivu ng'oti nsozi, ate ensala yo ey'amazima eika yaatuuka ku ntobo ey'enhandha. Niiwe owonia abantu n'ensolo obutagwa mu kabi.

Zabbuli 40:5

Wo Musengwa Katonda waife, otukoleire ebintu kamaala ebyewuninkiriza, era ezira akutuukaku mu ngeri y'otuyiiyizaamu. Ni bwengezaaku okubyogeraku n'okubibala, biri kamaala tibibalika.

Zabbuli 64:6

Naani asobola okwiguka mu butemo buno? Tukozeisa amagezi kamaala okuyiiya entegeka eno.” Ebiri mu mwoyo gw'omuntu era n'ebyo by'alowooza, kizibu okubitegeera.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Omulangirizi 7:24

Ebintu ebirigho buti biswikiriire amagezi gaife. Titusobola kubitegeera ni tubimalayo. Naani asobola okubinoonerezaaku n'abitegeera?

Isaia 28:29

Amagezi ago goonagoona gava wa Musengwa Katonda Afuga Amagye. Oyo n'omuwi w'amagezi ataloodheka era n'omugezi ekibitiriire, atatuukikaku.

Yeremia 23:20

Era obusungu bwa Musengwa tibuja kwika, okutuusa ng'amaze okukola n'okutuukiriza ky'asazeegho okukola. Imwe abantu be, ekyo mulikitegeera bukalamu mu biseera eby'oluvainhuma.”

1 Ab'e Korintho 2:10

Aye niife Katonda be yamanhisa ekyama kye ng'abita mu Mwoyo we. Kuba Mwoyo aidhi buli kintu, era n'entegeka dha Katonda edh'omunda.

Okwolekebwa 15:3

Baayemba olwembo lwa Musa omugheereza wa Katonda, n'olwembo olw'Entaama Ento, nga bakoba bati: “Musengwa Katonda Aghanga Ebintu Byonabyona, by'okola bikologho era byewuunhisa! Kyabazinga ow'amaghanga goonagoona, by'okola bituufu era bya mazima.