Zabbuli 90:13 - Baibuli Ekibono kya Katonda 2014

¹³ Wo Musengwa Katonda, oja kusungughala kutuusa li? Twiriremu ife abagheereza bo otusaasire.

Zabbuli 90:13 ပူးပေါင်းရင်းမြစ်များ

Zabbuli 106:45

Ku lwaibwe yaidhukira endagaano ye era yaabairiramu olw'okugonza kwe okutakoma.

Zabbuli 135:14

Musengwa Katonda aidha kulwaniriranga abantu be; aidha kugemerwanga abagheereza be ekivunika.

Zabbuli 6:5

kuba mu bafu ghazira akwidhukira era mu bali e magombe ghazira akusaaka.

Zabbuli 74:10

Wo Katonda, abazigu baife balituusa li okukusekerera? Obwo baja kuvumanga eriina lyo byanda na byanda?

Zabbuli 80:14

Wo Katonda Afuga Amagye, kyusaamuuku. Ng'oli eyo mu igulu, linga ghansi otubone; labirira omuzabbibu guno,

Zabbuli 80:15

gwe wasimba iwe mwene, n'ogukuza nga gwa maani.

Zabbuli 89:46

Wo Musengwa Katonda, oja kwegisa kutuusa li? Byanda na byanda? Ekiruyi kyo kija kulekera li okwaka ng'oti muliro?

Okuvaayo 32:12

Abamisiri baidha kukoba bati watoola abantu bo mu Misiri, ng'oli n'ekigendererwa ekibi, era ng'ekigendererwa ekyo kya ku baitira mu biketezo bino eby'ensozi, n'okubazikiriza baweere irala ku nsi. Nkusaba okyuse obusungu bwo obukambwe, oleke kukola bantu bo ekyo ky'otegeike okubakola.

Okuvaayo 32:14

Kale Musengwa Katonda yaakyusa ekidhuubo kye, yaaleka kubazikiriza nga bweyali abeesoomeire.

Isaia 63:17

Wo Musengwa Katonda, lwaki otuleka okudaaliima ni tuva ku ngira y'otwoleka? Lwaki oleetera emyoyo gyaife okukalanguka ni tutakutya? Ganha oire ye tuli, ku lw'abantu bo abagheereza bo, abantu ababo ku bubwo ab'omu bika bya Isiraeli.

Yeremia 12:15

Aye bwendimala okubatoola mu nsi dhaibwe, ndiiramu okubagemerwa ekivunika, naiza buli ighanga mu kiketezo kyalyo ni mu nsi yaalyo.

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.

Amosi 7:3

Musengwa Katonda yaakyusa ekidhuubo kye. Yaakoba ati: “Kale, ky'oboine tikiidha kubaagho.”

Amosi 7:6

Musengwa Katonda yaakyusa ekidhuubo kye. Yaakoba ati: “Kale, ekyo ky'oboine kyona tikiidha kubaagho.”

Yona 3:9

Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

Zekaria 1:16

Kale buti ndhize mu Yerusalemu n'okusaasira okungi. Eisinzizo lyange baja kwiramu okulizimba, ni Yerusalemu bakizimbe buyaaka.”

Okubala 10:36

Era bwe baalekeranga okugitambuza, ng'akoba ati: “Wo Musengwa Katonda, ira obe mu nkumi n'enkumi edh'Abaisiraeli.”

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.