Zabbuli 9:5 - Baibuli Ekibono kya Katonda 2014

⁵ Abatatya Katonda obasaliire omusango gwabasinga, waazikiriza abakozi b'ebibi. Ghazira aja kubaidhukira naire ebyanda n'ebyanda.

Zabbuli 9:5 ပူးပေါင်းရင်းမြစ်များ

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

Zabbuli 149:7

bakole omulimo ogw'okwesasuuliza ku maghanga agandi, n'okubonereza abantu abatatya Katonda.

Zabbuli 2:1

Lwaki amaghanga geesigulana okudheema, n'abantu ni beeteesa ebiziramu?

Zabbuli 5:6

Ozikiriza abo boonaboona abaguya waakyagha abaisi n'abaghaayiriza.

Zabbuli 7:12

Omuntu yeenayeena bw'ateenenia, Katonda aja kughagala empiima ye. Amaze okudhuumuula akalaso ke,

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Zabbuli 79:10

Lwaki oleka amaghanga okutubuuza gati: “Memale Katonda waimwe ali gha?” Iwe beesasuulizeeku nga tubona, olw'omusaayi ogw'abagheereza bo be baita n'amaghanga goonagoona gakimanhe.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Ensambo 13:9

Omuntu omutuufu ali ng'oti n'entaala eyaka obukalamu, ate omubi yaaba ng'oti n'entaala eri kuzikira.

Yeremia 49:38

Ndizikiriza bakyabazinga baibwe n'abakungu baibwe, naamala naataagho ekityamo kyange eky'obwakyabazinga.

Okulira 3:58

Wampolezaagho nga ndi ku musango, wamponia okwitibwa.

Malaki 4:3

Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.

Amateeka Agokubiri 9:14

Ndeka mbazikirize beerabirirwe irala ku nsi. Ndidha kusimusa mu iwe eighanga eikologho era ery'amaani okusinga beene.’

Okwolekebwa 19:15

Mu munwa gwe mwavaamu empiima endhogi ey'okughangula amaghanga. Aligafuga n'omwigo ogw'ekyuma, yaatyankirira emizabbibu mu kikunhiro mwavaamu omwenge ogw'obusungu obungi obwa Katonda Aghanga Ebintu Byonabyona.

1 Samueli 25:32

Daudi yaakoba Abigaili ati: “Musengwa Katonda, Katonda wa Isiraeli asaakibwe, oyo akutumye olwaleero okwidha ye ndi.

1 Samueli 25:39

Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.

1 Samueli 31:4

Agho Saulo yaakoba eyamugemeranga eby'okulwanisa ati: “Sowolayo empiima yo onfumite, abo abatali bakekete balobe kwidha kunfumita na kuneesanhukizaaku.” Aye eyamugemeranga eby'okulwanisa yaaloba kumufumita olw'okutya einho. Kale Saulo mwene yaasowolayo empiima eyiye, yaagyetungaku.