Zabbuli 89:5 - Baibuli Ekibono kya Katonda 2014

⁵ Wo Musengwa Katonda, eby'omu igulu byonabyona ka bikusaake olw'ebyewuunhio by'okola; n'abatukuvu abatyama mu igulu ka bembe obwesigwa bwo,

Zabbuli 89:5 ပူးပေါင်းရင်းမြစ်များ

1 Ebyomubyanda 17:11

Enaku dho bwe dhiriwaaku n'ofa, n'oja okweyimba ku badhaadha bo abaafa, ndikusikiza owundi ku baana bo beene be weezaalira, naamutaagho okuba kyabazinga era naaleetera obwakyabazinga bwe okukakata.

1 Ebyomubyanda 17:12

Oyo n'alinzimbira endhu, era ndireetera obwakyabazinga bwe okukakata ebyanda n'ebyanda.

Yobu 5:1

“Mpegaano yeta, obone oba nga ghaligho anaakuvugira. Onaakyukira ye malaika ki anaakubeera?

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Zabbuli 19:1

Eigulu lyoleka ekitiisa kya Katonda, waikendi yaatukobera oyo Katonda bye yakola n'engalo dhe.

Zabbuli 50:6

Eby'omu igulu birangirira nga Katonda bw'ali omutuufu, kuba mwene n'asala omusango.

Zabbuli 61:8

Nze ndidha kwembanga enhembo edhisaaka eriina lyo, nga bwempaayo kye neeyama buli kaakyeire.

Zabbuli 89:30

Aye baidhukulu be bwebanaalekangayo okuwulira amateeka gange, ni batajiira ku bye mbalagira,

Zabbuli 89:37

Tibuja kuvaagho ng'oti n'omwezi bwe gutavaagho, era buja kuguma begulugulu ng'oti n'eigulu bwe liri.”

Zabbuli 89:7

Niiwe Katonda atiibwa abatukuvu boonaboona abatyama mu igulu; era omukologho atiisa ebyo byonabyona ebimwezungulwire.

Zabbuli 97:6

Eby'omu igulu birangirira nga bw'ali omutuufu, abantu b'ensi dhoonadhoona baabona ekitiisa kye.

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Ab'Efeso 3:10

Mperaano ng'abita mu Kikunsu ky'Abaikiriza mu Kurisito, Katonda ayenda amanhise abafuzi n'ab'obukumu abali mu igulu amagezi ge agatakoma.

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

2 Ab'e Thessalonika 1:7

era ife ghalala n'imwe abadaagadaaga alitugha okwesiima. Kino alikikola, Yesu lw'aliva mu igulu ni yeeyoleka ni bamalaika be abakola eby'amaani.

1 Petero 1:12

Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.