Zabbuli 89:38 - Baibuli Ekibono kya Katonda 2014

³⁸ Aye kabiri mpegaano iwe Musengwa Katonda oswire ere omuntu ye wasiiga omuzigo era tokaamulaadha; oidhwire ekiruyi ku muntu ye walonda.

Zabbuli 89:38 ပူးပေါင်းရင်းမြစ်များ

2 Samueli 1:21

“Imwe ensozi edh'e Giliboa, mugwananga mwaloba kugwaku maadhi waire omusulo obusulo, oba waire amasamba gaimwe okuvaamu ebikungulwa; kuba ku imwe, engabo edh'ab'amaani kwe dhaayonoonerwa, engabo ya Saulo baalekera okugisiiga omuzigo.

2 Samueli 15:26

Aye bw'alinkoba ati, ‘By'okola tibisiima,’ kale nze ndigho, alinkola mwene ky'alibona nga n'ekingwaniire.”

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

Zabbuli 106:40

Agho obusungu bwa Musengwa Katonda bwatumbukira ku bantu be abo ng'oti muliro, Musengwa Katonda oyo yaatuuka okwesinwa abantu be abo beene be yeerondera.

Zabbuli 60:1

Wo Katonda waife, otuswire ere era waatutentena. Twakusungughaza aye twiriremu.

Zabbuli 60:10

Wo Katonda waife, mbo bwenebwene otusuuliire irala ere? Tooje na magye gaife kulwana?

Zabbuli 77:7

“Mbo Musengwa Katonda anaatusuula ere yaatwerabirira irala? Taliirayo kutusiima naire?

Zabbuli 78:59

Katonda bwe yabona ebyo yaidhula ekiruyi, era yaabatooleraku irala omwoyo.

Zabbuli 84:9

Wo Katonda, gha kyabazinga enkabi oyo atulwanirira, saasira oyo ye wasiiga omuzigo.

Zabbuli 89:51

Wo Musengwa Katonda, abazigu bo batyo bwe bavuma oyo ye wasiiga omuzigo, batyo bwe bamuvuma buli gh'aniina ekigere.

Yeremia 12:1

Wo Musengwa Katonda, ni bwentakana niiwe, niiwe oba omutuufu. Aye era ka nkubuuze ebigema ku kukola mu butuufu. Lwaki abakozi b'ebibi ebintu bibajiira bukalamu? Lwaki abakupankupania bali mu miraala?

Okulira 2:7

Musengwa yazira alutaari ye, yaalekulira agho eisinzizo lye. Era yaganha abazigu baamenha ebisenge byalyo. Abazigu baakubira mu ndhu ya Musengwa emizira egy'obughanguzi, ng'oti n'Abaisiraeli beene bwe baakubirangamu emizira egy'embaga edh'ebibinuko ebyalagirwa.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Hosea 9:17

Katonda wange alirekulira agho abantu be, kuba baaloba okuwulira by'abakoba. Balitambulatambula eyo batyo mu maghanga agandi.

Zekaria 11:8

Ghaabaagho abaayi basatu abankyagha ni bandeetera okubeesinwa. Kale naababinga mu mwezi mulala guti.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Amateeka Agokubiri 32:19

Musengwa Katonda bwe yakibona, yaasungughala. Yaakyagha batabane be ni baghala be abo.