Zabbuli 89:36 - Baibuli Ekibono kya Katonda 2014

³⁶ Olulyo lwe luja kubangagho ebyanda n'ebyanda, n'obwakyabazinga bwe bubeegho okutuusa endhuba bw'eriva ku nsi.

Zabbuli 89:36 ပူးပေါင်းရင်းမြစ်များ

2 Samueli 3:9

Kale ni Katonda agwananga yambonereza inho, Nze Abuneri, bwentatuukirizanga ekyo Musengwa Katonda kye yalayirira Daudi,

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

Zabbuli 72:17

Eriina lya kyabazinga liidhukirwenga ebyanda n'ebyanda. Obumanhifu bwe busigalegho ng'oti ndhuba. Abantu abamaghanga goonagoona bamwetenga wa nkabi, era basabenga Katonda okubafuula ab'enkabi oti ni kyabazinga oyo.

Zabbuli 72:5

Aghangaale ng'oti ndhuba, era ng'oti mwezi, ense n'ense.

Zabbuli 89:29

Obwakyabazinga bwe ndidha kubufuula bwa nsikirano ebyanda n'ebyanda; buja kubaagho ekiseera kyonakyona eigulu kye lirimala nga lirigho.

Zabbuli 89:4

‘Baidhukulu bo n'abaja okutyamanga mu kityamo kyo nga bakyabazinga, era ni bonkabonka abanaafuganga ebyanda n'ebyanda.’ ”

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Isaia 59:21

Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 33:20

“Nakola endagaano n'omusana era naakola endagaano n'obwire, nti bibengagho mu kiseera kyabyo ekituufu, era endagaano eyo ghazira asobola kugimenhagho.

Yeremia 33:21

Era ntyo bwe nkoze endagaano n'omugheereza wange Daudi, nti buliidho ghaidha kubangagho omuntu ku baidhukulu be anaabanga kyabazinga. Era naakola endagaano nti buliidho ghaidha kubangagho bakabona ab'omu kika kya Levi abanampeerezanga. Era endagaano edho ghazira asobola kudhimenhagho.

Amosi 4:2

Musengwa Katonda alayiire mu butukuvu bwe ati: “Ekiseera kiidha kutuuka abantu babatunge ku malobo, babaghaluudhanie ng'oti n'ebyenhandha bwebabighaluza mu maadhi mwenamwena muja kuba ng'oti n'ebyenhandha ebiri ku malobo.

Luka 1:33

Alifuga ekika kya Yakobo ebyanda n'ebyanda, era Obwakyabazinga bwe tibulikoma.”

Yoanne 12:34

Eikuukuubira lyamukoba liti: “Amateeka gatukoba gati Kurisito aja kuba mulamu ebyanda n'ebyanda. Aye iwe otukoba otya oti Omwana w'Omuntu ali n'okughanikibwa? Omwana w'Omuntu ono naani?”