Zabbuli 89:27 - Baibuli Ekibono kya Katonda 2014

²⁷ Ndimufuula mutabane wange omuberi, kyabazinga omukologho asinga bakyabazinga boonaboona ab'oku nsi.

Zabbuli 89:27 ပူးပေါင်းရင်းမြစ်များ

2 Samueli 22:47

“Musengwa Katonda mulamu! Oyo olubaale mwe neewogoma asaakibwenga; Katonda oyo obulokozi bwange agulumizibwenga!

2 Samueli 7:14

Nze ndiba lata we ate mwene yaaba mwana wange. Bw'anaakolanga ekibi ndidha kumukangaivulanga ng'omuzaire bw'akangaivula omwana we.

2 Ebyomubyanda 1:12

kale amagezi n'okumanha by'osabye mbikughaire. Era ndidha kukugha obukombe, n'ebintu, n'ekitiibwa, nga tighabangaghooku kyabazinga owundi yeenayeena ku baakusooka eyaali abifunieku, waire okubaagho kyabazinga owundi yeenayeena alikwiririra alibifuna.”

Zabbuli 2:7

Agho kyabazinga yaakoba ati: “Ka mbakobere Musengwa Katonda kye yankoba. Yankoba ati, ‘Iwe oli mwana wange, olwaleero nkuzaire.

Zabbuli 71:3

Nfuukira olubaale olw'okwewogomamu, era ombeere ekimante ekigumu ekineezungulwire eky'okumponia; kuba oli ng'oti lubaale era ng'oti kimante kigumu mwe neewogoma.

Zabbuli 72:11

Bakyabazinga boonaboona beeyale mu maiso ge; abantu abamaghanga goonagoona babe bagheereza be.

Okuvaayo 4:22

Era oidha kukoba kyabazinga oti, ‘Musengwa Katonda ati bw'akoba: Isiraeli n'omwana wange omuberi,

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Okubala 24:7

Amaadhi gaidha kubagwiranga mangi, ensigo dhaibwe dhibenga mu nimiro edhifukiriirwa obukalamu. Kyabazinga waibwe aidha kubanga mukologho okusinga kyabazinga Agagi, n'obwakyabazinga bwe bwidha kugheebwanga ekitiisa.

Ab'e Roma 8:29

Kuba abo be yalonda yabaawula era yaabategeka okufaanana Omwana we, Omwana we oyo abe omuberi mu baganda be kamaala.

Amateeka Agokubiri 32:15

Abantu ba Musengwa Katonda abo baakombaghala, aye baaba badheemu. Emere yaabageedhulusa, yaabazimbagatania. Baava ku Katonda omutonzi waibwe, baava ku mununuzi waibwe oyo ow'amaani.

Ab'e Kolosai 1:15

Kurisito ye tuboneramu Katonda ataboneka, omwana omuberi akulira ebitonde byonabyona.

Ab'e Kolosai 1:18

Oyo n'omutwe ate Ekikunsu ky'Abaikiriza mu Kurisito n'omubiri gwe, oyo n'entoolerezo era n'omwigula nda mu kuzuukira memale abe emberi wa byonabyona.

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”

Okwolekebwa 21:24

Abantu abamaghanga goonagoona banaatambuliranga mu butangaavu bwakyo, era bakyabazinga ab'oku nsi banaaleetangamu eby'obukombe byaibwe.