Zabbuli 89:12 - Baibuli Ekibono kya Katonda 2014

¹² Niiwe owatonda ebiri ku luuyi olw'omukono omugooda olw'e buvandhuba, n'ebiri ku luuyi olw'omukono omusaadha olw'e buvandhuba. Ensozi Tabori ni Herimoni dhisaaka eriina lyo n'eisanhu.

Zabbuli 89:12 ပူးပေါင်းရင်းမြစ်များ

Yobu 26:7

Abamba eigulu ku luuyi olw'omukono omugooda olw'e buvandhuba, era yaalengeedhia ensi mu ibbanga.

Zabbuli 115:16

Musengwa Katonda ni mwene igulu, aye ensi yagigha abantu.

Zabbuli 133:3

Kiri ng'oti n'omusulo ogw'oku lusozi Herimoni ogugwa ku nsozi dha Sioni. Eyo mu Sioni Musengwa Katonda ye yasuubiza okugha abantu enkabi, obwo nga n'obulamu obutawaagho.

Zabbuli 24:1

Ensi ya Musengwa Katonda n'ebigiriku byonabyona; n'Abantu boonaboona abali ku nsi ba Musengwa Katonda;

Zabbuli 24:2

kuba n'eyagikola, yaagizimba ku nhandha eri ghansi ghaayo, era yaakuba emisingi gyayo ghansi gh'entobo y'enhandha.

Zabbuli 98:8

Omwidhuzo gw'amaadhi ka gukube mu ngalo; n'ensozi dhembere ghalala n'eisanhu mu maiso ga Musengwa Katonda,

Isaia 49:13

Iwe eigulu yemba olw'eisanhu, n'iwe ensi osagambe. Imwe ensozi mutimbuke mwembe enhembo; kuba Musengwa Katonda aiziiza mu bantu be amaani. Era aligemerwa ekivunika abantu be abadaazibwadaazibwa.

Yeremia 46:18

Nze Musengwa Katonda Afuga Amagye, ninze kyabazinga, era ninze Katonda omulamu. Ng'olusozi Tabori bwe lweruupiise ghaigulu okusinga ensozi edhindi dhoonadhoona, era ng'olusozi Karumeli bwe lugungumaire ku mbali kw'enhandha, n'amaani g'oyo aja okubalumba imwe gatyo bwe galisinga ag'omuntu owundi yeenayeena.

Yoshua 12:1

Musa bweyali ng'akaakulemberamu Abaisiraeli, baaghangula bakyabazinga babiri abaali e buvandhuba wa Yorudani, era baabanhagaku ebiketezo byaibwe. Bakyabazinga abo baali bafuga ekiketezo okuva mu kiiko ekirimu omwiga Arunoni ku luuyi olw'omukono omusaadha olw'e buvandhuba, okutuuka ku kiiko ekirimu omwiga Yorudani e buvandhuba ew'omwiga ogwo, era n'okutuukira irala ku lusozi Herimoni ku luuyi olw'omukono omugooda ng'olingiriire e buvandhuba.

Yoshua 19:22

Ensalosalo yaibwe ng'ebita ku Tabori, ni ku Shahazuma, ni ku Bethi Shemeshi, yaakoma ku Yorudani. Ng'ekiketezo kyaibwe kizingiramu ebibuga ikumi na mukaaga n'ebyalo byaku.

Abalamuzi 4:12

Abantu baakobera Sisera bati, Baraki aniinie ku lusozi Tabori.

Abalamuzi 4:6

Agho yaatumisa Baraki mutabane wa Abinoamu ow'omu kibuga Kadeshi eky'e Nafutali. Yaamukoba ati: “Musengwa Katonda, Katonda wa Isiraeli, akulagiire ati, ‘Twala abasaadha omutwalo mulala ku b'ekika kya Nafutali n'ekya Zebuluni, mwesolokeze ku lusozi Tabori.