Zabbuli 89:10 - Baibuli Ekibono kya Katonda 2014

¹⁰ Watentena ogusota gu Rahabu waagwita; waabinga abazigu bo n'omukono gwo ogw'amaani, baasansaana.

Zabbuli 89:10 ပူးပေါင်းရင်းမြစ်များ

Zabbuli 144:6

Myansa olukuba obasansaanie; olase obulaso bwo obabinge.

Zabbuli 59:11

Wo Katonda wange, otabaita, kuba tiikulwa ng'abantu bange beerabira. Aye kozesa obukumu bwo obasansaanie era obasuule ghansi, iwe Musengwa Katonda engabo yaife.

Zabbuli 65:8

Abantu boonaboona ab'oku nsi waire ab'omu biketezo eby'eghala einho, batya olw'ebyo ebyewuninkiriza by'okola. Iwe oleetera ensi yoonayoona okukuba emizira, okuva endhuba y'eva okutuuka y'egwa.

Zabbuli 68:1

Wo Katonda, situkiramu osansaanie abazigu bo; abo abatakwenda balumuse embiro okuva mu maiso go.

Zabbuli 68:30

Kaabukira ensolo edho edh'omu nsiko edhisula mu bigada; okaabukire abantu abo abaayira enume n'obuyana aghalala, era obatyankirire okutuusa lwe banaakuba amakiryaivu ni bakutonera feeza. Sansaania abantu abo abenda einho okutanula entalo.

Zabbuli 87:4

Katonda akoba ati: “Mu bantu abantya n'omuli ab'e Rahabu, ab'e Babiloni, ab'e Filisitia, ab'e Tiro n'ab'e Ethiopia. Ndibabalira mu bazaale ab'e Yerusalemu.”

Isaia 24:1

Bona, Musengwa Katonda alyonoonayonoona ensi eno yaagireka ng'eri bw'agho etyo aligifunhafunha yaaleetera abagibaamu okusansaana.

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.