Zabbuli 88:12 - Baibuli Ekibono kya Katonda 2014

¹² Ebyewuunhio byo babibona eyo mu nsi ey'enzikiiza, waire amaani go agalokola okugabona eyo mu nsi ey'abo abeerabirwa?

Zabbuli 88:12 ပူးပေါင်းရင်းမြစ်များ

Zabbuli 143:3

Abazigu bange baamingirira bantuukaku, bankuba bantentena era banta mu nzikiiza bansibira omwo, naaba ng'oti ni bale abaafa eira.

Zabbuli 31:12

Abantu nabava ira mu birowoozo ndi oti n'eyafa, nfuuse ng'oti n'ensuwa emaniangwike ye baswire ere.

Zabbuli 88:5

Ndi ng'oti n'ole ye balekuliire agho mu bafu; nkani ng'oti n'abaitiibwa abali mu magombe, oba ng'oti n'abo be weerabira eira b'otakaayamba.

Omulangirizi 2:16

kuba omugezi tibamwidhukira, ng'oti n'omusiru yeena bwe batamwidhukira. Mu biseera ebiidha, boonaboona baliba beerabirwa ira. Ng'omugezi bw'afa, n'omusiru yeena bw'afa.

Omulangirizi 8:10

Era naabona ababi nga baziikibwa mu kitiibwa. Abantu abo baajanga mu kifo ekitukuvu emikuzi mingi era abantu baabasaakanga mu kibuga mwene mwe baakoleranga ebibi. Ekyo kyona kiziramu muganhulo.

Omulangirizi 9:5

Bwenebwene abantu abalamu bamanha nga baja kufa, aye abafu baba bazira kye baidhi era nga bazira kye bakaasuubira kufuna, kuba baba tibakaidhukirwa naire.

Isaia 8:22

oba ni balinga ghansi ku itaka, tibalibona kintu kindi naire, okutoolaku enaku n'enzikiiza etiisa, egemye bedimudimu, era mu yeene eyo mwe balibabingira.

Matayo 8:12

aye abaana ab'omu Bwakyabazinga balibingirwa ku luya mu kizikiiza, omuliba okugegenga n'okuluma emba olw'obulumi obubitirivu.”

Yuda 1:13

Bali ng'oti n'okwefuukuula kw'enhandha, ate ebikolwa byaibwe ebiswaza byaba ng'oti n'eiwovu erifuukeera ku maadhi agali kwefuukuula. Bali ng'oti muunienie edhimala gaja eyo dhityo, era Katonda yabategekera okuba mu nzikiiza ebyanda n'ebyanda.