Zabbuli 88:11 - Baibuli Ekibono kya Katonda 2014

¹¹ Okugonza kwo okutakoma basobola okukwogeraku eyo mu magombe, waire obwesigwa bwo okubwogeraku mu nsi eyo ey'abafu?

Zabbuli 88:11 ပူးပေါင်းရင်းမြစ်များ

Yobu 21:30

Ku lunaku Katonda lw'asungughala n'abonereza, omubi buliidho n'awonagho.

Yobu 26:6

E magombe ezira kikwekeibwa ku Katonda; abona byonabyona ebiri mu kifo ekyo eky'okuzikirira.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zabbuli 6:6

Ndi munafu mwene olw'okusula nga nsinda. Obwire bukya ng'obuliri bwange buboze olw'okulira, n'akaito ke neeziziike kaatoonha amaziga.

Zabbuli 73:18

Bwenebwene iwe obata aghali obutyerezi, waabaleetera okugwa baazikirira.

Ensambo 15:11

Oba nga ebiri e magombe eri okuzikirira Musengwa Katonda abibona bukalamu, memale obwo ebiri mu myoyo gy'abantu by'ataamanhe?

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Ezekieli 37:3

Yambuuza ati: “Iwe omuntu, amagumba gano gasobola okwiramu obulamu?” Naamwiramu nti: “Wo Musengwa Katonda, niiwe oidhi.”

Matayo 7:13

“Mwingirire mu mulyango omutono kuba omulyango omunene, n'engira enene etuuka mu kuzikirira, era abantu kamaala bagema eyo.

Ab'e Roma 9:22

N'ekyo Katonda kye yakola kifaananaku ni kino. Yayenda okwoleka obusungu bwe n'okumanhisa obukumu bwe. Kyeyava n'aguminkiriza einho abo be yasungughalira abaali bateegereire okuzikirira.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.