Zabbuli 86:14 - Baibuli Ekibono kya Katonda 2014

¹⁴ Wo Katonda wange, abantu abeekuluntaza baneesimbyemu; ekikuukuulu ky'abantu abakambwe kyenda kundhita, era abantu abo tibakufaaku naire.

Zabbuli 86:14 ပူးပေါင်းရင်းမြစ်များ

2 Samueli 16:20

Agho Abusalomu yaakoba Ahithofeli ati: “Buti tughe ku magezi. Tukole ki?”

2 Samueli 17:14

Agho Abusalomu n'Abaisiraeli boonaboona baakoba bati: “Amagezi ga Hushai Omuaraki malungi okusinga aga Ahithofeli.” Musengwa Katonda yali asazeegho ng'aja kubaleetera balobe kukolera ku magezi amalungi Ahithofeli ge yagha, mu nsambo eyo aleete akabi ku Abusalomu.

Zabbuli 10:11

Munda mule akoba ati: “Katonda tafaayo! Yeeghembye mu maiso era kino taidha kukibona!”

Zabbuli 10:13

Lwaki abakozi ab'ebibi banhooma Katonda, ni badhuuba bati Katonda taja kubabonereza?

Zabbuli 10:4

Omukozi w'ebibi nga bwe yeebona nga wa ghaigulu, tatwala Musengwa Katonda ng'ekikulu. Mu by'akola byonabyona talaadha Katonda.

Zabbuli 119:51

Abo abeekuluntaza baanhoomerera, aye tija kukyuka kuva ku mateeka go.

Zabbuli 119:69

Abo abeekuluntaza bandhogeraku eby'obuguya, ate nga nze njiira ku mateeka go n'omwoyo gwange gwonagwona.

Zabbuli 119:85

Abantu abeekuluntaza abatagema mateeka go, baasima ebiina okuntega ngwemu.

Zabbuli 14:4

Aye abakozi b'ebibi bano boonaboona, abalya abantu bange ng'oti balya mere, kiki kyene kye bataidhi, ekibalobera okusinza Musengwa Katonda?

Zabbuli 140:5

Abantu bano abeekuluntaza banteze omutego; bantega n'olutuula n'emigugha, ni mu ngira ye mbitamu baasimamu ebiina okuntega.

Zabbuli 36:1

Omwonooni awulira mule ng'ekibi kyogera naye, era tatya Katonda naire;

Zabbuli 36:11

Otaganha abo abeetwala okuba aba ghaigulu kwidha kuunumba; waire okuleka ababi abo okuuminga gh'oli.

Zabbuli 54:3

Abantu abeekuluntaza baneesimbyemu; abantu abakambwe benda kundhita, abatafaayo ku Katonda.

Zabbuli 54:5

Aidha kwiriza abazigu bange ebibi byaibwe byene bibabonereze; aidha kubazikiriza kuba mwesigwa.

Ezekieli 8:12

Katonda yankoba ati: “Iwe omuntu, oboine abakulembeze ab'eighanga lya Isiraeli bye bali kukola mu nzikiiza? Buli muntu ali kusinziza mu kisenge omuli ebifaananie. Bakoba bati, ‘Musengwa Katonda tatubona, era yalekulira agho ensi yaife.’ ”

Ezekieli 9:9

Katonda oyo yandhiramu ati: “Ebibi eby'eighanga Isiraeli ni Buyudaaya bibitiriire obungi. Ensi yaibwe eidhwire ebikolwa eby'obutemo, n'ekibuga kyaidhula obutajiira ku mazima. Bakoba bati, ‘Musengwa Katonda yalekulira agho ensi yaife, era tatubona.’