Zabbuli 85:12 - Baibuli Ekibono kya Katonda 2014

¹² Bwenebwene Musengwa Katonda aidha kutugha ebirungi, ensi yaife ebale ebibala kyodo.

Zabbuli 85:12 ပူးပေါင်းရင်းမြစ်များ

Zabbuli 67:6

Ebirime bibaze inho ku nsi. Katonda, oyo Katonda waife, atughaire enkabi.

Zabbuli 72:16

Emere ebenga ya mwero mu byalo; ensozi dhoonadhoona dhiidhule misiri, ebibala byagyo bibe ng'oti n'ebibala eby'omu Lebanoni. Ebibuga biidhule abantu abangi ng'oti isubi.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Isaia 32:15

Aye ekiseera kirituuka, Katonda yaatuyughaku omwoyo gwe okuva ghaigulu. Olwo eribaire eirungu lyafuuka enimiro egimusa ebirime, ate ebaire enimiro egimusa ebirime yaatwalibwa okuba ng'ekibira.

Isaia 45:8

Iwe eigulu, toonhesa obutuufu buve ku igulu ng'oti maadhi, era ensi eyasame ebumire, bumerukemu eidembe n'amazima, bibe ku nsi. Nze Musengwa Katonda ninze ndidha okuleetera ekyo okubaagho.”

Abalevi 25:19

Era ensi enaabazanga ebibala byayo, mwafuna bye mulya mwaiguta, mwaba n'emiraala.

Abalevi 26:4

nnaabaghanga amaadhi mu biseera byago, ensi yaabaza ebirime, n'emiti gyabala ebibala.

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Zekaria 8:12

Baidha kusiganga emere nga bali mu miraala, emizabbibu gibalenga ebibala, eitaka lyeyongerenga okubaaku ebirime, n'amaadhi gagwenga. Ebyo byonabyona ndibigha abantu b'eighanga lino abaawonagho.

Matayo 13:23

Ate ensigo edhaagwa mu itaka eirungi, n'oyo awulira ekibono yaakitegeera, yaayama ebibala: owekikumi, owenkaaga, n'owasatu.”

Matayo 13:8

Ate edhindi dhaagwa mu itaka eirungi dhaayama, okundi kikumi, okundi nkaaga, okundi asatu.

Ebikolwa by'Abatume 2:41

Abo abaasangaalira ebibono bye, baabatizibwa, era ku lunaku olwo, ku baikiriza kweyongeraku abantu ng'enkumi isatu.

Ebikolwa by'Abatume 21:20

Bwe baakiwulira, baasaaka Katonda era baakoba Paulo bati: “Owoluganda, obona nga bwe ghaligho Abayudaaya enkumi n'enkumi abafuuse abaikiriza era nga boonaboona beekalangulira ku Mateeka.

1 Ab'e Korintho 1:30

Katonda oyo n'ensimuko ey'obulamu bwe muli nabwo mu Kurisito Yesu. Kurisito oyo Katonda ye yafuula amagezi gaife, era oyo n'atufuula abatuufu eri Katonda, era n'atutukuza, era oyo n'okununulibwa kwaife.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Yakobo 1:17

Kiisi kirabo kikalamu era ekituukiriire, kiva mu igulu ye Lata eyatonda ebyaka ku igulu. Oyo tafuukafuuka, oba okuleeta enzikiiza ng'akyukakyuka.