Zabbuli 84:9 - Baibuli Ekibono kya Katonda 2014

⁹ Wo Katonda, gha kyabazinga enkabi oyo atulwanirira, saasira oyo ye wasiiga omuzigo.

Zabbuli 84:9 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

2 Samueli 23:1

Bino n'ebibono bya Daudi ebyasembayo: Kuno n'okwogera kwa Daudi mutabane wa Yesse, okwogera okw'omuntu Katonda ye yagulumiza, omuntu Katonda wa Yakobo oyo ye yasiiga omuzigo, omwembi wa zabbuli mu Isiraeli ataloodheka.

2 Ebyomubyanda 6:42

Wo Musengwa Katonda waife, kola nga bwe wasuubiza omugheereza wo Daudi, otamusuula ere oyo kyabazinga ye walonda.”

Zabbuli 132:17

Omwo mwe nditoola kyabazinga, nga wa ku nda ya Daudi; omulonde wange oyo afugenga nga ninze mmukuuma.

Zabbuli 17:1

Wo Musengwa Katonda, wulira okulira kwange nga nkusaba oyoleke obutuufu bwo. Ntegera kutu owulirise okusaba kwange okuziramu kuguya.

Zabbuli 2:2

Bakyabazinga ab'oku nsi baafungiza, n'abafuzi baibwe beeteesa, badheemere Musengwa Katonda ni kyabazinga ye yasiiga omuzigo.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 3:3

Ate nga iwe Musengwa Katonda, niiwe engabo mwe neewogoma, niiwe ompeesa ekitiisa, naatambula nga ndi mugumu.

Zabbuli 59:11

Wo Katonda wange, otabaita, kuba tiikulwa ng'abantu bange beerabira. Aye kozesa obukumu bwo obasansaanie era obasuule ghansi, iwe Musengwa Katonda engabo yaife.

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Zabbuli 89:20

Ntoire omugheereza wange Daudi naamufuula kyabazinga, nga mmusiiga omuzigo gwange omutukuvu.

Zabbuli 98:1

Mwenamwena mwembere Musengwa Katonda olwembo oluyaaka, kuba akoze ebyewuunhisa! Olw'obutukuvu bwe ayoleike ng'ali n'obuyinza n'amaani, ebimuleeteire obughanguzi.

Ebikolwa by'Abatume 4:27

Bwenebwene Herode, ni Pilato, n'abamaghanga agandi, n'abantu ba Isiraeli, mu kibuga kino mwe beesololeza okulwanisa Yesu Omwana wo omutukuvu ye wasiiga omuzigo.

Amateeka Agokubiri 33:29

Weesiimye iwe Isiraeli! Naani ali ng'oti niiwe, eighanga erirokolebwa Musengwa Katonda? Musengwa Katonda mwene n'engabo yo era n'empiima yo, oyo n'akugha obughanguzi. Abazigu bo baliidha nga bakweghemba obagemerwe ekivunika, era iwe olibaniinaku.”

1 Samueli 16:6

Yesse ni batabane be bwe baatuuka, Samueli yaabonamu Eliabu, yaadhuuba mule ati: “Bwenebwene ono ayemereire mu maiso ga Musengwa Katonda, n'oyo Musengwa Katonda y'anaasiiga omuzigo.”

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”