Zabbuli 84:11 - Baibuli Ekibono kya Katonda 2014

¹¹ kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Zabbuli 84:11 ပူးပေါင်းရင်းမြစ်များ

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

Zabbuli 119:114

Niiwe onkuuma era n'onwanirira, nze nsuubirira mu bye wankoba.

Zabbuli 15:2

N'oyo omutuufu aziraku musango, ng'akola ekituufu, era nga by'ayogera muzira buguya.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 3:3

Ate nga iwe Musengwa Katonda, niiwe engabo mwe neewogoma, niiwe ompeesa ekitiisa, naatambula nga ndi mugumu.

Zabbuli 47:9

Abafuga amaghanga beesoloza baaba ghalala n'abantu ba Katonda oyo Aburahamu y'asinza; kuba Katonda n'afuga abafuzi boonaboona ab'oku nsi era n'abaswikiriire.

Zabbuli 84:9

Wo Katonda, gha kyabazinga enkabi oyo atulwanirira, saasira oyo ye wasiiga omuzigo.

Zabbuli 85:12

Bwenebwene Musengwa Katonda aidha kutugha ebirungi, ensi yaife ebale ebibala kyodo.

Ensambo 10:9

Abantu abeesimbu era abeesigwa baba n'emiraala, aye abaguya baja kuzuulibwa.

Ensambo 2:7

Agha abantu be abeesimbu amagezi agabayamba; era yaaba ngabo eri abo abeesigwa y'ali okubawonia.

Ensambo 28:18

Omuntu omwesigwa aidha kubanga bukalamu, aye atali mwesigwa aja kugwa mangu inho.

Ensambo 28:6

Omuntu amala gaba mwavu aye nga mwesigwa, atabaire mukombe aye nga mukupankupania.

Mika 2:7

Odhuuba oti Abaisiraeli Musengwa Katonda yatukolimira? Oba oti okuguminkiriza kwe kwakendeera? Mbo bwenebwene Musengwa Katonda aghanga okukola ebintu oti n'ebyo? Buliidho tayogera na kivunika n'abo abakola obulungi?”

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Yoanne 1:16

Olw'ekisa kye ekitawa, twenatwena atugha emikisa gye emikuzi kamaala.

Yoanne 1:9

Nga kino n'ekimuliikirira kyenekyene, ekyali nga kiri kwidha mu nsi okumuliikirira abantu boonaboona.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

2 Ab'e Korintho 3:18

Era ife twenatwena bwe tutoolebwaku ekitughembye ku maiso, tubonerwamu okumesunkana kwa Musengwa ng'oti mbonerwamu. Okumesunkana okuva ye Musengwa era nga ni Mwoyo, kutufuula twafaanana nga mwene mu kumesunkana okuja nga kweyongera.

2 Ab'e Korintho 4:17

Okudaagadaaga kuno okutonioli era okw'akaseera, kuli kututegekera ekitiisa ekinene era ekitawaagho ekisinga ebintu byonabyona.

Ab'e Galatia 2:14

Aye nze bwe nabona nga tibali kujiira ku mazima g'Amawulire Amalungi naakoba Kefasi nga boonaboona bali agho nti: “Iwe oli Muyudaaya, aye weebisa ng'oti n'abamaghanga agandi, ate ng'oli Muyudaaya. Kale osobola otya okukaka abamaghanga agandi okwebisa ng'oti Bayudaaya?”

Amateeka Agokubiri 18:2

Tibaabenga na itaka lya nsikirano ng'ab'ebika ebindi. Omugabo gwaibwe gunaabanga mu kuba bakabona ba Musengwa Katonda, nga Musengwa Katonda bweyasuubiza.

Ab'e Filippi 1:6

Era nkakasa bukalamu ng'oyo eyatoolera omulimo guno omukalamu mu imwe aligutuusa ku kumalirizibwa ku lunaku lwa Yesu Kurisito.

Ab'e Filippi 4:19

Era Katonda wange aidha kubagha buli kintu kyonakyona kye mwetaaga, ng'atoola ku bukombe bwe obw'ekitiisa bw'agaba ng'abita mu Kurisito Yesu.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.