Zabbuli 80:8 - Baibuli Ekibono kya Katonda 2014

⁸ Watuleeta ng'omuzabbibu okuva mu Misiri, waabinga amaghanga agaali mu nsi eno, waagusimbamu.

Zabbuli 80:8 ပူးပေါင်းရင်းမြစ်များ

Zabbuli 31:17

Wo Musengwa Katonda, otandeka ni nswala, kuba niiwe ye nsaba. Abakozi b'ebibi baswaze, baje e magombe nga basiriikiriire.

Zabbuli 44:2

Nga bwe wabingagho amaghanga agandi mu bifo byago n'oizaamu abantu bo, nga bwe wadaazadaaza amaghanga ago era n'osobozesa abantu bo okukulankulana.

Zabbuli 60:3

Abantu bo obaleeteire obuzibu obukalangufu; otughaire omwenge ogw'emizabbibu okunhwa, gwatugaaliisa ng'oti batamiivu.

Zabbuli 78:55

Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Yeremia 12:10

Abafuzi kamaala boonoine eisamba, eisamba lyange eryo ery'emizabbibu, baatyankirira obulime bwange. Ensi yange enungi bagirese bw'agho etyo, ng'eri bwa bifulukwa byereere omutaba bantu.

Yeremia 2:21

Ate nga nali mbasimbye ng'omuzabbibu ogw'embala, ogw'ensigo esingamu bulungi. Aye bona bwe mwonooneike ni mufuuka ng'oti n'omuzabbibu ogw'omu nsiko!

Ezekieli 15:6

Musengwa Katonda kyava n'akoba ati: “Nga bwe mpaayo omuzabbibu ni bagutoola mu miti egy'omu kibira okuja okugukumisa omuliro, era ntyo bwe ndighaayo abatyamye ab'omu Yerusalemu ni mbabonereza.

Ezekieli 17:6

Ensigo eyo yaamera, yaavaamu omuzabbibu ogukulira ghansighansi ku itaka nga gulanda. Ensaga dhaagwo dhaakula nga dhisonse enkookooma ye yali, n'emizi gyagwo gyasimba ghansi mu itaka. Gwataaku ensaga kamaala n'amakaba kamaala.

Ezekieli 19:10

Inhoko yali ng'oti muzabbibu gwe basimbye mu isamba kumpi n'amaadhi, ni guba n'ensaga kamaala era nga gubala inho ebibala.

Ebikolwa by'Abatume 7:45

Badhaadha baife era baaleeta eweema eyo ni Yoshua bwe bangira okutwala ensi Katonda ye yabingamu abantu abandi, nga badhaadha baife babona. Eweema eyo yaaba mu nsi muno okutuukiza irala mu byanda bya Daudi.

Yoshua 13:6

Era ghaligho ekiketezo eky'Abasidoni kyonakyona ababa ghagati gh'ensozi dha Lebanoni ni Misirefothi Maimu kyona kiri n'okunhagibwa. Nze mwene ndidha kubingangayo abantu mu buli kiketezo Abaisiraeli ghe banaatuukanga. Iwe ky'oli n'okukola, n'okubagabaniamu ebiketezo ebyo nga bwe nakulagira.