Zabbuli 80:4 - Baibuli Ekibono kya Katonda 2014

⁴ Wo Musengwa Katonda Afuga Amagye, mbo onaasungughalira okusaba okw'abantu bo kutuuka li?

Zabbuli 80:4 ပူးပေါင်းရင်းမြစ်များ

Zabbuli 31:17

Wo Musengwa Katonda, otandeka ni nswala, kuba niiwe ye nsaba. Abakozi b'ebibi baswaze, baje e magombe nga basiriikiriire.

Zabbuli 4:7

Aye iwe eisanhu ly'ompaire mu mwoyo gwange lisinga ery'abo lye baba nalyo, nga bali mu mwero gw'emere yaibwe, n'ogw'omwenge ogw'emizabbibu.

Zabbuli 59:5

Iwe Musengwa Katonda Afuga Amagye, niiwe Katonda wa Isiraeli. Situka obonereze abantu abatakutya; otasaasira waire mulala ku abo abakudheemera ni bakola ebibi.

Zabbuli 60:3

Abantu bo obaleeteire obuzibu obukalangufu; otughaire omwenge ogw'emizabbibu okunhwa, gwatugaaliisa ng'oti batamiivu.

Zabbuli 74:1

Wo Katonda, lwaki otuswire ere n'otwerabira ebyanda n'ebyanda? Lwaki otusungughaliire ife entaama dho dh'oyaya?

Zabbuli 79:5

Wo Musengwa Katonda, oja kutusungughalira kutuusa li? Byanda na byanda? Enkikidi y'oli nayo olw'abantu bo eneeyongera kwaka bwake ng'oti muliro?

Zabbuli 85:5

Mbo bwene oja kutusungughalira byanda na byanda, obusungu bwo bugeme ni ku nse edhiriiragho?

Okulira 3:44

Weebwikirira ekire olobe kuwulira nga tuli kukusaba.

Danieli 9:17

Wo Katonda waife, mperaano ni wulira okusaba kwange n'okwegayirira kwange, nze omugheereza wo. Nkweghemba ogemerwe ekisa eisinzizo lyo eryalekebwa agho lityo, olwo oyoleke ekitiisa kyo.

Amateeka Agokubiri 29:20

Musengwa Katonda enkikidi y'egema ku lw'abantu be, taidha kusonighanga muntu oyo. Aidha kumutumbukizangaku obusungu bwe ng'oti muliro, ebikolimo byonabyona ebighandiikiibwa mu kitabo kino bimwidhirenga, okutuusa Musengwa Katonda lw'anaamusaanizangagho irala, ni yeerabirwa ku nsi.