Zabbuli 78:72 - Baibuli Ekibono kya Katonda 2014

⁷² Era Daudi oyo yeeghaayo okubalabirira n'omwoyo mulala, ng'abafuga n'amagezi.

Zabbuli 78:72 ပူးပေါင်းရင်းမြစ်များ

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

1 Bakyabazinga 15:5

Musengwa Katonda yaakola ekyo, kuba Daudi yakolanga ebituufu mu maiso ga Musengwa Katonda oyo, era tiyavanga ku kye yamulagira enaku dhoonadhoona edh'obulamu bwe, okutoolaku ekyo kye yakola Uria Omuhitti.

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

1 Bakyabazinga 9:4

Weena bw'onaajiiranga ku bye nkoba, n'oba omwesigwa era omwesimbu nga lata wo Daudi bwe yakolanga, n'ogonderanga biragiro byange era n'ogemanga amateeka gange,

Zabbuli 75:2

Katonda akoba oti: “Nataagho ekiseera eky'okusaliramu emisango, nja kusala nga nziramu kyekubira.”

Ezekieli 34:2

“Iwe omuntu, langirira akabi akali kwidhira abakulembeze b'omu Isiraeli. Langa obakobere nze Musengwa Katonda bye ndi kubakoba nti: Mukagwireku imwe abakulembeze b'omu Isiraeli. Muligho kweigusa beene nga timulabirira ntaama dhe mwaya.

Ebikolwa by'Abatume 13:22

Katonda bwe yamutoolagho, yaabateeragho Daudi okuba kyabazinga waibwe. Ono ni Katonda ye yayogereraku ati: ‘Nzwire mu Daudi omwana wa Yesse omusaadha ye nsiima, anaakolanga byonabyona ebinsangaaza.’

Ebikolwa by'Abatume 13:36

Kuba Daudi yamala okukola emirimo gye yamutegekera mu bulamu bwe, yaafa, yaaziikibwa aghali badhaadha be, yaavunda.

2 Timotheo 2:15

Kola kyonakyona ky'osobola osiimibwe Katonda, obe mukozi atagemerwa mulimo gwe nsoni, era ayegeresa obukalamu ekibono eky'amazima.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.