Zabbuli 78:69 - Baibuli Ekibono kya Katonda 2014

⁶⁹ Okwo kwe yazimba eisinzizo lye eireeyi okutuuka ku igulu yaaligumya ng'oti n'ensi etawaagho ebyanda n'ebyanda.

Zabbuli 78:69 ပူးပေါင်းရင်းမြစ်များ

1 Bakyabazinga 9:8

Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

1 Ebyomubyanda 29:1

Agho kyabazinga Daudi yaakoba abaali beesoloiza ati: “Mutabane wange Solomoni Katonda y'alonzeemu akaali mwana muto, ate nga omulimo oguli n'okukolebwa mukologho inho kuba kino ti kisaagaati kya bwakyabazinga bwa bantu buntu, aye isinzizo lya Musengwa Katonda.

1 Ebyomubyanda 29:19

Nkweghemba oghe mutabane wange Solomoni omwoyo ogw'okwegheerayo irala okugema amateeka go ni by'olagira byonabyona, n'okuzimba eisinzizo, lye nteereiregho ebintu ebyo.”

2 Ebyomubyanda 2:9

bantegekere emiti kamaala, kuba eisinzizo lye nja okuzimba lija kuba ikologho era nga irungi ebitaloodheka.

2 Ebyomubyanda 3:4

Baalizimbaku ekisasi emberi waalyo nga kya bugazi bwa mita mwenda okwagayaga n'obugazi bw'eisinzizo eryo, ate nga mu bugungumavu kya mita amakumi ataanu na ina. Munda ku bimante, baalimbyaku zaabu omukenenule.

Yobu 26:7

Abamba eigulu ku luuyi olw'omukono omugooda olw'e buvandhuba, era yaalengeedhia ensi mu ibbanga.

Zabbuli 102:25

Eira einho wataagho emisingi egy'ensi, n'eigulu lyona walikola na ngalo dho.

Zabbuli 104:5

Wataagho ensi ku misingi gyayo, yaaba nga tesobola kuseetuka.

Zabbuli 87:1

Ku lusozi lwa Katonda olutukuvu n'okuli ekibuga kya Musengwa Katonda kye yazimba.

Isaia 48:13

Ninze mwene eyataagho omusingi gw'ensi, era nze mwene naabambagho eigulu; bwe mbyeta bivugira era byaidha mangu.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

1 Samueli 2:8

Abbeeda abaavu yaabatoola mu nkungu, yaasitula abali mu bwetaavu yaabatoola mu ivu, yaabatyamya ghalala n'abakungu, yaabata mu bifo eby'ebitiibwa; kuba empango edh'ensi dha Musengwa Katonda, era ku mpango edho kwe yata ensi.