Zabbuli 78:64 - Baibuli Ekibono kya Katonda 2014

⁶⁴ Bakabona baibwe baabaita n'empiima, era banamwandu baibwe baabalobera okubalira.

Zabbuli 78:64 ပူးပေါင်းရင်းမြစ်များ

Yobu 27:15

Ababi abo bwe bafa, abaana be balekagho bafa lumbe lubi, banamwandu baibwe baaloba na kubalira.

Ezekieli 24:23

Timulireka kusiba bitambaala byaimwe ku mitwe, waire okuleka okuvaala engaito mu bigere olw'enaku. Era timulirira maziga waire okuwowoola. Aye muligoogomba mwawaagho olw'ebibi byaimwe, buli muntu yaasindira mwine enaku.

1 Samueli 4:11

Esanduuku ey'Endagaano baaginhaga, ni batabane ba Eli bombi, Hofuni ni Finehasi, baabaita.

1 Samueli 4:17

Ole eyaleeta amawulire yaamwiramu ati: “Abaisiraeli balumwike Abafilisiti, era Abaisiraeli kamaala inho babaise. Batabane bo bombi, Hofuni ni Finehasi, babaise, n'Esanduuku y'Endagaano ya Katonda baginhaze.”

1 Samueli 4:21

Yaatuuma omwana eriina Ikabodi, ng'akoba ati: “Ekitiibwa kiviire ku Isiraeli”, olw'okuba Esanduuku ya Katonda baaginhaga, n'olw'okuba nhazaala we yafa, era n'iba baamwita.

1 Samueli 4:22

Yaakoba ati: “Ekitiibwa kiviire ku Isiraeli, kuba Esanduuku ya Katonda baginhaze.”