Zabbuli 78:55 - Baibuli Ekibono kya Katonda 2014

⁵⁵ Kiisi ghe baatuukanga, yaabingangagho abatyamye baagho ensi yaibwe yaagigabania mu bika bya Isiraeli, n'amaka gaibwe yaagagha abantu be Abaisiraeli.

Zabbuli 78:55 ပူးပေါင်းရင်းမြစ်များ

Zabbuli 44:2

Nga bwe wabingagho amaghanga agandi mu bifo byago n'oizaamu abantu bo, nga bwe wadaazadaaza amaghanga ago era n'osobozesa abantu bo okukulankulana.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Isaia 34:17

Musengwa Katonda n'alibigabaniamu ensi eyo, yaabisimbira n'ebiroowa ku bitundu byabyo. Ensi eyo eriba yaabyo ense n'ense, era birigibangamu ebyanda n'ebyanda.

Okubala 33:54

Mwidha kugigabana mu bika byaimwe ni mu nda dhaimwe nga mukozesa obululu. Ekika ekinene mwidha kukigha ghanene, ate ekika ekitono mukighe ghatono. Omuntu akalulu ghe kanaamugha n'aghanaaba aghaghe, ng'agabanira mu kika kya ise.

Yoshua 13:7

Kale ni mperaano ebiketezo ebyo bigabaniemu mu bika omwenda n'ekitundu eky'ekika eky'Abamanasse.”

Yoshua 19:51

Egyo n'emigabo, Eleazari kabona, ni Yoshua omwana wa Nuni, n'abakulu ab'ebika eby'Abaisiraeli, gye baagaba nga bakuba obululu mu maiso ga Musengwa Katonda, agho ku mulyango ogw'Eweema ey'Okwagaananirangamu ni Musengwa Katonda e Shilo. Kale batyo baamaliriza okugabaniamu eitaka.

Yoshua 21:43

Kale Musengwa Katonda yaagha Abaisiraeli ekiketezo kyonakyona kye yasuubiza okugha badhaadha baibwe. Era bwe baakifuna baakityamamu baatereera.

Yoshua 23:4

Ekiketezo kyonakyona okuva e buvandhuba ew'omwiga Yorudani okwira e bugwandhuba okutuuka ku Nhandha Eyaghagati, namala okukibagabaniamu mu bika byaimwe. Omwo nga n'omuli ebiketezo bye twamala okunhaga ku maghanga, era n'ebyo bye tubaire tukaali okunhaga.