Zabbuli 78:26 - Baibuli Ekibono kya Katonda 2014

²⁶ Kabiri yaafuuyisa empewo ku igulu eva e buvandhuba era olw'obukumu bwe yaafuuyisa n'empewo eyindi eva ku luuyi olw'omukono omusaadha olw'e buvandhuba.

Zabbuli 78:26 ပူးပေါင်းရင်းမြစ်များ

Zabbuli 135:7

Oyo n'asitusa ebire okuva ensi y'ekoma n'asindika olukuba mu maadhi agali kugwa, era n'atoolayo empewo ng'oti n'omuntu bw'atoolayo ebintu bye mu byagi.

Zabbuli 147:18

Agho yaalagira omugozi gwasaanuuka era yaatuma empewo, amaadhi gaakuuluula.

Okuvaayo 10:13

Kale Musa yaagolola omwigo gwe ng'agusonse ku nsi Misiri. Musengwa Katonda yaaleeta empewo ng'eva e buvandhuba, yaakunta omusana ogwo gwonagwona n'obwire bwonabwona, era okuja okuwuuna enkyo ng'empewo eyo eyava e buvandhuba ereese enzige.

Okubala 11:31

Agho Musengwa Katonda yaasindika empewo ng'eva ku nhandha, yaafuuwa obunhonhi obuli ng'oti bukologo. Bwaidha nga bugulukira ghansi inho mita ng'oti ndala yonka okuva ku itaka, bwagwa agho okwezungulula ekifo Abaisiraeli ghe baasimba weema dhaibwe. Nga buli luuyi lw'osimbiraku otambula olugendo lwa lunaku lulamba memale waatuuka ghe bukanga.

Okubala 11:33

Bwe baali nga bakaalya emamba yaibwe mu bungi, obusungu bwa Musengwa Katonda bwabatumbukiraku ng'oti muliro, yaababonereza ng'abasindikira ekibamba eky'amaani.