Zabbuli 78:24 - Baibuli Ekibono kya Katonda 2014

²⁴ mannu yaamagalika, baalya empeke dheene edhiva mu igulu dhe yabagha.

Zabbuli 78:24 ပူးပေါင်းရင်းမြစ်များ

Nehemia 9:15

Wabagha emere okuva mu igulu okubawonia endhala, era waabagha amaadhi okuva mu lubaale okubawonia endiwo. Waabakoba baje batoole ebiketezo bye wasuubiza okubagha, bibe ebyaibwe ku bwaibwe.

Nehemia 9:20

Wabagha omwoyo gwo omulungi gubagalagirenga eky'okukola. Tiwalekeraku kubaghanga mannu kulya, era waabaghanga amaadhi okubawonia endiwo.

Zabbuli 105:40

Baamusaba, yaabasindikira obunhonhi obuli ng'oti bukologo, yaabagha n'emere kamaala okuva mu igulu.

Zabbuli 68:9

Iwe wagwisa amaadhi kamaala, waiza buyaaka eitaka lyo eryali lyoneike.

Okuvaayo 16:14

Omusulo bwe gwakala, gwalekagho agho ku musenho ogw'omu irungu olubwibwi olugheghere oluli ng'oti n'engaano enhukiibwa.

Okuvaayo 16:4

Agho Musengwa Katonda yaakoba Musa ati: “Bona eno, nja kumagalisa emere okuva mu igulu ku lwaimwe. Era abantu baidha kujanga buli lunaku basoloze enaabamalanga olunaku olwo. Mu nsambo oti n'eyo ndidha kubaleba mbone oba nga banaajiira ku biragiro byange.

1 Ab'e Korintho 10:3

Boonaboona baalyanga ku mere ndala ey'omwoyo,

Amateeka Agokubiri 29:5

Namala emyaka amakumi ana nga mbakulembera mu irungu aye ebivaalo byaimwe tibyabakanukaku naire, oba engaito dhaimwe okubakutukaku.

Amateeka Agokubiri 8:3

Yaabaleka endhala yaabaluma, aye yaamala yaabagha mannu mwalya, emere ye mwali nga timulyangaku waire badhaadha baimwe. Ekyo yakikola okubeegeresa nti omuntu taba mulamu na mere yonka, aye aba mulamu lwa buli kibono Musengwa Katonda mwene ky'ayogera.