Zabbuli 77:9 - Baibuli Ekibono kya Katonda 2014

⁹ Katonda takaali na kivunika naire? Obusungu n'obumuleeteire okulekera okutusaasira?”

Zabbuli 77:9 ပူးပေါင်းရင်းမြစ်များ

Zabbuli 25:6

Wo Musengwa Katonda, oteerabira nga bw'obairenga ng'otusaasira era ng'otugonza inho, okuva eira n'eira.

Zabbuli 40:11

Wo Musengwa Katonda, otalekera kunsaasiranga, nkuumanga buliidho olw'okugonza kwo okutakoma n'olw'obwesigwa bwo.

Zabbuli 51:1

Wo Katonda, nsaasira, olw'okugonza kwo okutakoma sasaagho ebibi byange, olw'okusaasira kwo okungi einho.

Isaia 40:27

Kale imwe baidhukulu ba Yakobo, nkoba imwe Abaisiraeli, lwaki mwemuluguunhia muti Musengwa Katonda tabalumirwa, era muti bwe munhigirizibwa, Katonda waimwe oyo tabafaaku naire?

Isaia 63:15

Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Ab'e Roma 11:32

kuba Katonda yaleka abantu boonaboona nga badheemu asobole boonaboona okubasaasira.

1 Yoanne 3:17

Omuntu yeenayeena ali n'ebirungi eby'omu nsi muno n'abona muganda we ng'ali mu bwetaavu aye n'atamulumirwa naire, okugonza kwa Katonda kusobola kutya okuba mu muntu oyo?