Zabbuli 77:15 - Baibuli Ekibono kya Katonda 2014

¹⁵ Wakozesa amaani go, waatoola abantu bo mu bwiru, abo baidhukulu ba Yakobo ni Yosefu.

Zabbuli 77:15 ပူးပေါင်းရင်းမြစ်များ

Zabbuli 72:18

Musengwa Katonda asaakibwe, Katonda wa Isiraeli, ni yenka akola ebyewuunhisa.

Zabbuli 74:2

Idhukira abantu bo be weerondera eira, be watoola mu bwiru, babe eighanga eriryo ku bubwo. Idhukira olusozi Sioni kwe wabanga.

Okuvaayo 15:13

Waatambuza abantu bo be wanunula ng'obooleka okugonza okutakoma. Wabagema ku mukono n'omukono gwo ogw'amaani waabatuusa gh'oba aghatukuvu.

Okuvaayo 6:6

Agho ni, kobera Abaisiraeli oti, ‘Ninze Musengwa Katonda, era ndidha kubatwikula emirimo emikalangufu Abamisiri gye babakaka okukola. Nja kugolola omukono gwange ogw'amaani, mbonereze Abamisiri n'ebibonerezo ebikakali, mbanunule imwe era mbawonie okuba abairu baibwe.

Isaia 63:9

Yaabalumirwa mu kudaazibwadaazibwa kwaibwe kwonakwona, era yaabawonia mwene, se ti malaika we. Era olw'okugonza kwe n'okusaasira kwe by'ali nabyo, yaabanunula era yaabalabiriranga okuva eira n'eira.

Danieli 6:28

Kale Danieli oyo ebintu byaba nga bimujiira bukalamu mu biseera Dario Omumedi, ni Kuro Omuperusi, bye baafugiramu.

Amateeka Agokubiri 9:26

Neeghemba Musengwa Katonda nga nkoba nti, ‘Wo Musengwa Katonda waife, otazikiriza bantu bo ababo ku bubwo, be wanunula n'obuyinza bwo, era be watoola mu Misiri n'amaani go agataloodheka.

Amateeka Agokubiri 9:29

Ate nga abo n'abantu bo, ababo ku bubwo, be watoola mu Misiri n'obuyinza bwo obungi era n'amaani amangi.’ ”

Yoshua 3:5

Yoshua yaakoba abantu ati: “Mwetegeke, mwetukuze, kuba enkyo Musengwa Katonda aja kukola ekyewuunhio ekikologho nga tubona.”