Zabbuli 77:12 - Baibuli Ekibono kya Katonda 2014

¹² Ndidha kwetegerezanga emirimo gye yakola; neefumintirizenga ku by'amaani bye yakola.

Zabbuli 77:12 ပူးပေါင်းရင်းမြစ်များ

Zabbuli 104:34

Nsaba Musengwa Katonda asiime olwembo lwange, kuba okusagamba kwange kuva y'ali.

Zabbuli 105:2

Mumwembere nga mwemba enhembo edhimusaaka; nga mukobera abantu ebyewuunhisa byonabyona bye yakola.

Zabbuli 105:5

Muteerabiranga ebyewuunhio, n'eby'amaani bye yakola era n'ensala ye yasalamu emisango,

Zabbuli 119:52

Wo Musengwa Katonda, bwendidhukira ensala yo ey'eira, nsigala nga ndi mugumu.

Zabbuli 143:5

Ndidhukira ebiseera ebyabita, neefumintiriza ku ebyo byonabyona bye wakola, era neetegereza ebyo byonabyona by'ojiire ng'oleetagho.

Zabbuli 145:11

Baidha kughayanga ku kitiisa eky'obwakyabazinga bwo, bakoberenga abantu nga bw'oli ow'obukumu,

Zabbuli 145:4

Buli luse lwa bantu lwidhanga kukobera olulwiraku ebyewuunhisa bye wakola, lwogerenga ku bikolwa byo eby'amaani.

Zabbuli 71:24

Era ndidha kukoberanga abantu omusana n'obwire, nti niiwe obabeera mu butuufu; kuba abo abagezaaku okuntuusaaku ebizibu, banhoomeibwa era baaswazibwa.

Isaia 63:11

Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Amateeka Agokubiri 6:7

Mubyegeresenga abaana baimwe. Era mubyogerengaku nga muli ghaka oba nga muli mu ngira mutambula, nga mulambaire oba nga musitwikegho.

Amateeka Agokubiri 7:18

Aye mutabatyanga. Mwidhukirenga Musengwa Katonda waimwe kye yakola kyabazinga w'e Misiri, ni ku bantu b'e Misiri boonaboona.

Amateeka Agokubiri 7:19

Mwidhukirenga ebibamba ebitiisa bye mweboneraku beene n'amaiso gaimwe, n'ebyewuunhio, n'ebyewuninkiriza, n'amaani agataloodheka, Musengwa Katonda waimwe bye yakozesa okubanunulayo. Atyo Musengwa Katonda waimwe bw'aidha okukola ni ku bantu abo boonaboona be muli kutya.