Zabbuli 69:13 - Baibuli Ekibono kya Katonda 2014

¹³ Aye nze nsaba iwe Musengwa Katonda. Wo Katonda wange, ndhiraamu mu kiseera kyo mwene ky'oba ng'olonze, olw'okugonza kwo okungi okutakoma, era n'olw'okusuubiza kwo okwesigika.

Zabbuli 69:13 ပူးပေါင်းရင်းမြစ်များ

Amainhama 24:27

Yaakoba ati: “Musengwa Katonda, oyo Katonda wa musengwa wange Aburahamu, asaakibwe; kuba ayoleike nga bw'atalekera kugonza musengwa wange, era nga bw'ali omwesigwa y'ali. Ate zeena Musengwa Katonda andholeike engira, naatuuka mu maka g'aboluganda ba musengwa wange.”

Zabbuli 32:6

Kyenva ni nkoba kiisi akutya, akusabenga mu biseera eby'enaku, olwo ebizibu ebyekuluumulula ng'oti mwiga gwa mwidhuzo lwe bitalimutuukaku.

Zabbuli 51:1

Wo Katonda, nsaasira, olw'okugonza kwo okutakoma sasaagho ebibi byange, olw'okusaasira kwo okungi einho.

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Zabbuli 98:3

Yakuuma ekisuubizo, kye yasuubiza endhu ya Isiraeli, eky'okubagonzanga obutalekera n'okubanga omwesigwa ye bali. Okuva ensi y'eva okutuuka y'ekanga, abantu boonaboona baabona obughanguzi bwa Katonda waife obulokola.

Isaia 49:8

Musengwa Katonda era akoba abantu be ati: “Ekiseera eky'okusaasiriramu bwe kirituuka ndikusaasira, naakuyamba ku lunaku olw'okulokolwa. Ndikulwanirira naakukuuma, era naabita mu iwe okukola endagaano n'abantu boonaboona. Oliizaagho ensi buyaaka, abantu bairamu okubanga mu biketezo byaibwe ebyazika buti.

Isaia 55:6

Munoonie Musengwa Katonda nga mukaasobola okumubona gh'ali, mumusabe ng'akaabali kumpi.

Okulira 3:63

Okuva enkyo okutuusa igulo, bemba enhembo edh'okundheedha.

Mika 7:20

Oidha kutwoleka obwesigwa bwo n'okugonza kwo okutakoma, ife abantu bo baidhukulu ba Aburahamu era aba Yakobo, nga bwe wasuubiza badhaadha baife eira einho.

Luka 1:72

Alage okusaasira kwe yasuubiza badhaadha baife, aidhukire endagaano ye entukuvu.

Luka 22:44

Yaawulira enaku mu mwoyo, yaasaba inho, yaagezimula era olugezi lwaba ng'oti matondo ga musaayi n'agali kutoonha ku itaka.]

2 Ab'e Korintho 6:2

Katonda akoba ati: “Nakuwulira mu kiseera kyange eky'okukugemerwa ekisa, era naakubeera ku lunaku lwange olw'okukulokola.” Bona eno! Kino n'ekiseera eky'okugemerwaku ekisa, olwaleero n'olunaku olw'okulokolebwa.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

1 Samueli 25:8

Iwe babuuze, baidha kukukobera. Kale ni sangaaza abaisuka bange n'ekisa, kuba twidhiire ku lunaku lwa kibinuko. Nkweghembye ganha oghe abagheereza bo abo, kyonakyona ky'onaaba nakyo era ompeerezeeku zeena, nze mutabane wo Daudi.’ ”