Zabbuli 68:29 - Baibuli Ekibono kya Katonda 2014

²⁹ ng'oli mu isinzizo lyo e Yerusalemu bakyabazinga ye bakutonerera ebirabo.

Zabbuli 68:29 ပူးပေါင်းရင်းမြစ်များ

1 Bakyabazinga 10:10

Agho yaatonera kyabazinga zaabu agheza kilo ng'oti enkumi ina (4,000), n'obuwoowo kamaala inho, n'amabaale ag'omughendo. Era tighaidhangaghooku kabiri bya buwoowo byaga agho bungi ng'oti n'ebyo kyabazinga omukazi ow'e Sheba bye yatonera kyabazinga Solomoni.

1 Ebyomubyanda 29:3

Era nhongereiza ku ebyo bye nteereiregho eisinzizo, naaghaayo zaabu ni feeza nga ntoola ku by'obukombe ebyange ku bwange, olw'okuba ngonza inho eisinzizo lya Katonda wange eryo.

2 Ebyomubyanda 32:23

Agho abantu kamaala baidha e Yerusalemu nga baleeteire Musengwa Katonda ebirabo, era nga baleeteire ni kyabazinga Hezekia owa Buyudaaya ebintu eby'omughendo. Okuva ku olwo, amaghanga goonagoona gaatanga mu Hezekia oyo ekinhagansi kya maani.

2 Ebyomubyanda 32:33

Agho Hezekia yaafa, yeeyimba ku badhaadha be abaafa, era yaaziikibwa mu kitundu eky'eitale mu lwambiidhi lwe baazikangamu baidhukulu ba Daudi. Abantu ab'omu Buyudaaya n'ab'omu Yerusalemu baamulira mu kitiibwa inho. Mutabane we Manasse yaamusikira ku bwa kyabazinga.

Nehemia 2:8

Era naasaba n'embaluwa ntwalire Asafu omukuumi w'ekibira kya kyabazinga, aganhe okumpa emiti egy'okukolamu emiryango egy'ekifo eky'okwewogomamu ekyezungulwire eisinzizo, n'egy'okukolamu emiryango egy'ekimante ekyezungulwire ekibuga, era n'egy'okuzimbamu endhu ye nnaabangamu. Agho kyabazinga yaaganha okunkolera kye namusaba, kuba Katonda wange yali ghalala ninze.

Zabbuli 45:12

Abantu ab'e Tiro balikuleetera ebirabo obasiime, abantu abo abasinga kuba bakombe,

Zabbuli 76:11

Imwe abantu mutuukirize eri Musengwa Katonda, oyo Katonda waimwe ebyo bye mweyama; imwe abali mu biketezo ebimwezungulwire mwenamwena mumutonere ebirabo, oyo atiibwa abantu boonaboona.

Isaia 18:7

Abantu abo abaleeyi ab'emibiri emighegheevu, abatiibwa ensi yoonayoona era beene nsi emiiga ye gyayawulamu, eighanga eryo ery'amaani era eighanguzi, ekiseera kiidha kutuuka baleetere Musengwa Katonda Afuga Amagye ebirabo, mu kifo kye bamusinzizaamu ku lusozi Sioni.