Zabbuli 68:26 - Baibuli Ekibono kya Katonda 2014

²⁶ Nga bemba bati: “Musaake Katonda mu bantu be abeesoloiza; musaake Musengwa Katonda imwe mwenamwena aba Yakobo.”

Zabbuli 68:26 ပူးပေါင်းရင်းမြစ်များ

Zabbuli 107:32

Bagwaine bamugulumizenga ng'abantu beesoloiza okumusinza, era bamusaakenga mu lwekobaano olw'abakulu ab'ebika.

Zabbuli 111:1

Mwenamwena musaake Musengwa Katonda. Ndidha kusiimanga Musengwa Katonda n'omwoyo gwange gwonagwona, nga ndi mu bantu abeesoloiza okumusinza.

Zabbuli 26:12

Nhemereire aghatuufu, ndidha kusaakanga Musengwa Katonda nga ndi mu bantu be abeesoloiza okumusinza.

Zabbuli 87:7

Abembi n'abakini bakoba bati: “Mu Sioni n'omuva enkabi dhaife dhoonadhoona.”

Okuvaayo 15:20

Agho Miriamu omulanzi omukazi era mwanhina Aaroni, yaatoola akagoma yaakagema mu ngalo, n'abakazi abandi boonaboona baagema obugoma, baamunonereza nga babukuba bwe bakina.

Ensambo 5:16

Iwe okibona nga kikalamu amaadhi agava mu nsulo yo okukuuluulira eyo gatyo, ni gaba ng'oti mukoka mu nguudo edh'omu bibuga?

Isaia 48:1

Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.

Amateeka Agokubiri 33:28

Kale ni Abaisiraeli baidha kubanga mu miraala; baidhukulu ba Yakobo abo baidha kubanga bonka, nga batyamiisa mu nsi eidhwire engaano n'omwenge ogw'emizabbibu, era efukirirwa omusulo oguva mu igulu.