Zabbuli 68:25 - Baibuli Ekibono kya Katonda 2014

²⁵ Abembi n'abakulemberamu, abaghala abakuba obugoma n'ensaasi bairirira, memale ab'entongooli n'endingidi baakoobera.

Zabbuli 68:25 ပူးပေါင်းရင်းမြစ်များ

1 Ebyomubyanda 13:8

Daudi n'Abaisiraeli boonaboona baajanga nga bakina n'amaani gaibwe goonagoona mu maiso ga Katonda. Baayemba nga bwe bakuba endingidi, n'entongooli, n'obugoma, n'ensaasi, n'ebide, nga bwe bafuuwa n'amagwala.

Zabbuli 63:3

Ndidha kukusaakanga, engeri y'ongonzaamu obutalekera ensingira n'obulamu bwene.

Zabbuli 77:14

Niiwe Katonda akola ebyewuunhio, era wayoleka amaghanga ebikolwa byo eby'amaani.

Zabbuli 87:7

Abembi n'abakini bakoba bati: “Mu Sioni n'omuva enkabi dhaife dhoonadhoona.”

Okuvaayo 15:20

Agho Miriamu omulanzi omukazi era mwanhina Aaroni, yaatoola akagoma yaakagema mu ngalo, n'abakazi abandi boonaboona baagema obugoma, baamunonereza nga babukuba bwe bakina.

Yeremia 31:13

Abaghala balisangaala baakina, n'abasaadha abakulu n'abato baasagamba. Ndibagumya, naabaleetera okuseka enseko mu kifo ky'okulira amaziga, naabaleetera eisanhu mu kifo ky'enaku.

Yeremia 31:4

Ndiiramu kabiri okubazimba imwe abantu bange mube eighanga eiyaaka. Muliiramu kabiri okugema obugoma bwaimwe, mwabukuba nga musagamba.

Abalamuzi 11:34

Yefutha bwe yairayo eka mu Mizipa, yaja okulinga ati ng'abona mughala we ali kwidha okumusangaaza ng'akina era ng'akuba obugoma n'ensaasi. Oyo yali nga n'omwana wa Yefutha yenka ati. Yali azirayo mwana wundi k'abe wa bulenzi oba wa bughala, okutoolaku oyo yenka.

1 Samueli 18:6

Agho bwe baali nga bali kwira eka, nga Daudi yeena ali kwira ng'amaze okwita Omufilisiti, abakazi baava mu bibuga byonabyona ebya Isiraeli, baaja okweisuusaayo kyabazinga Saulo. Baaja nga bemba enhembo edh'eisanhu nga bwe bakina. Era baakuba obugoma n'ebivuga ebindi bye bakubiraku enhembo.