Zabbuli 65:13 - Baibuli Ekibono kya Katonda 2014

¹³ Ebifo ebyayirwamu biidhwire byayo; ebiiko biidhwire misiri gya mere, nga byonabyona byemba era nga bwe bikuba emizira.

Zabbuli 65:13 ပူးပေါင်းရင်းမြစ်များ

Yobu 36:31

Aleetera amaadhi okugwa, yaaliisa abantu; yaabagha emere kamaala.

Zabbuli 144:13

Ebyagi byaife bigwananga byaidhula emere eya buli nsambo, n'entaama dhaife dhaazaalagana mitwalo na mitwalo,

Zabbuli 72:16

Emere ebenga ya mwero mu byalo; ensozi dhoonadhoona dhiidhule misiri, ebibala byagyo bibe ng'oti n'ebibala eby'omu Lebanoni. Ebibuga biidhule abantu abangi ng'oti isubi.

Isaia 30:23

Olwo buli bye mulisiganga, Musengwa Katonda alibifukiriranga amaadhi agagwa byakula, yaabaleetera okukungula ebirime eby'omwero. Ensolo dhaimwe dhiriba n'ebyayiro ebigazi obukalamu.

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 44:23

Iwe eigulu yemba, kuba Musengwa Katonda n'akoze ekyo. Imwe ebitundu ebiri eyo ghansi mu itaka, muleekaane. Imwe ensozi n'emiti gyonagyona egy'omu bibira, mwembe, kuba Musengwa Katonda yanunula baidhukulu ba Yakobo, era alyoleka ekitiisa kye mu Baisiraeli abo.

Isaia 49:13

Iwe eigulu yemba olw'eisanhu, n'iwe ensi osagambe. Imwe ensozi mutimbuke mwembe enhembo; kuba Musengwa Katonda aiziiza mu bantu be amaani. Era aligemerwa ekivunika abantu be abadaazibwadaazibwa.

Isaia 52:9

Imwe ebifo bya Yerusalemu ebyayonoonebwa, mutimbuke mwembe enhembo; kuba Musengwa Katonda agumiiza abantu be, yaanunula Yerusalemu.

Isaia 55:12

Muliva mu Babiloni nga muli basangaavu; mwavaayo mwatwalibwa nga muli mu miraala. Ensozi n'obusozi biritimbuka byayemba, n'emiti gyonagyona gyasangaala gyakuba mu ngalo.

Yeremia 48:33

Ntoiregho okusangaala n'okusagamba mu nsi engimu ey'e Moabu. Era naalekeza omwenge ogw'emizabbibu okudhuluudha okuva mu bikunhiro eby'omwenge ogw'emizabbibu. Tighakaaligho bakunha mwenge gwa mizabbibu nga bwe baasiikana olw'eisanhu. Okwasiikana okuligho buti tikwa isanhu naire.

Yoeli 2:22

Imwe ensolo edh'omu nsiko, mutatya, kuba eisubi lisibwike mu nsiko; emiti gibaze ebibala, emitiini n'emizabbibu gitaireku ebibala kamaala.

Zekaria 9:17

Bwenebwene ensi eriba nungi era ng'esikiriza! Abalenzi n'abaghala tibalibulirirwa ngaano ya kulya, waire okubulirirwa omwenge ogw'emizabbibu ogw'okunhwa, basobole okuba obukalamu.

Ebikolwa by'Abatume 14:17

Ate nga Katonda tiyeegisa, yeeyoleka mu ebyo ebikalamu by'akola: Abagha amaadhi, okuva mu igulu, abaza ebibala mu biseera byabyo, abagha emere era aidhuza emyoyo gyaimwe okusagamba.”