Zabbuli 63:1 - Baibuli Ekibono kya Katonda 2014

¹ Wo Katonda, niiwe Katonda wange, omwoyo guunumira iwe. Nhenda inho okuba gh'oli; ng'oti n'eitaka eikalu bwe lyetaaga maadhi.

Zabbuli 63:1 ပူးပေါင်းရင်းမြစ်များ

2 Samueli 15:28

Nze ndidha kusigala nga nteegereire mu kifo omwiga ghe gusomokerwa okuja mu irungu, okutuusa lwe ndifuna obukwenda obuva y'oli okunkobera ebiriyo.”

1 Ebyomubyanda 16:14

Oyo ni Musengwa Katonda waife, ebiragiro bye bikola mu nsi yoonayoona.

Yobu 8:5

Aye bw'onaakyuka n'ogondera Katonda, era n'omweghemba oyo Aghanga Ebintu Byonabyona,

Zabbuli 118:28

Niiwe Katonda wange, era ndidha kukusiimanga iwe Katonda wange, ndidha kukoberanga abantu nga bw'oli omukologho.

Zabbuli 119:81

Omwoyo gunsiriira olw'okuteegerera einho iwe okwidha okundokola; aye neesiga kye wayogera.

Zabbuli 143:10

Ndhegeresa okukolanga nga bw'oyenda, kuba niiwe Katonda wange! Olw'omwoyo gwo omulungi mbisa mu ngira entuufu.

Zabbuli 143:6

Nze nsitulira y'oli emikono gyange naakusaba. Ng'eitaka eikalu bwe lyetaaga einho amaadhi, zeena ntyo bwe nhenda einho okuba gh'oli.

Zabbuli 31:14

Aye nze neesiga iwe Musengwa Katonda. Era nkyogera nti: “Niiwe Katonda wange.”

Zabbuli 42:11

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Zabbuli 5:3

Mpuuna bwe pwi pwi pwi naakusaba, wampulira. Mu nkyonkyo neetegeka okuwulira ebiva y'oli.

Zabbuli 78:34

Bwe yabaitamu banaibwe atyo, abaasigalagho baakyuka baira y'ali beenenia, baatoolera okumusinza n'omwoyo mulala.

Zabbuli 84:2

Neegomba inho okuba mu isinzizo lya Musengwa Katonda! Zeenazeena ndidhwire eisanhu, nga nhembera Katonda omulamu.

Zabbuli 91:2

alikoba Musengwa Katonda ati: “Niiwe onkuuma, niiwe ekifo kyange oky'okwewogomamu. Niiwe Katonda wange ye neesiga.”

Okuvaayo 15:2

Bwemba ni Musengwa Katonda nfuna amaani n'okwemba naayemba; Musengwa Katonda oyo amponia abazigu. Oyo ni Katonda wange era ndidha kumusaakanga. Oyo ni Katonda wa lata wange era mmugulumiza.

Okuvaayo 17:3

Aye abantu olw'okuba baali ndiwo, nga bazira maadhi ga kunhwa, baaja mu maiso n'okwemuluguunhiza Musa nga baamukoba bati: “Lwaki watutoola e Misiri okutwisa endiwo, ife n'abaana baife, n'ensolo dhaife?”

Ensambo 8:17

Ngonza abo abangonza, abo abandhagala n'omwoyo omulala bambona.

Olwembo 5:8

Imwe abaghala ab'e Yerusalemu, ndi kubakoba mulayire, muti bwe munaabona omugonzi wange, munaamunkobera muti ndwaire olw'okumugonza einho.

Isaia 32:2

Buli muntu ku abo aliba ng'oti kifo kya kwekwekamu okuwona empewo era ng'oti mpuku ya kwewogomamu okuwona kiwunga. Baliba ng'oti miiga gya maadhi mu nsi enkalu ey'eirungu, era ng'oti kinsense eky'ogubaale ogukologho mu kiketezo ekikalukalu.

Isaia 35:7

Omusenho ogwokya gulifuukamu nhandha, n'eitaka eikalu ery'olubbalangu lyafuuka nsulo dha maadhi. Ekifo ebibe mwe byabanga, mulimeramu isubi na bitoogo.

Isaia 41:18

Ndireetera emiiga okukuuluula nga giva ghaigulu ku nsozi edhiziraku kantu, naataagho enhindo edh'ensulo dh'amaadhi mu biiko. Ndifuula eirungu lyaba kidiba kya maadhi, n'eitaka eikalu lyabaamu ensulo edh'amaadhi agakuuluula.

Yeremia 31:1

Musengwa Katonda akoba ati: “Ekiseera kiri kwidha, mbe Katonda w'ebika byonabyona ebya Isiraeli, ate beene babe bantu bange.

Yeremia 31:33

Ekiseera ekyo bwe kirituuka, eno n'endagaano ye ndikola n'Abaisiraeli: Ndibataamu amateeka gange, naagaghandiika ku myoyo gyaibwe. Nze ndiba Katonda waibwe, beene baaba bantu bange.

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Matayo 12:43

“Omuzimu omubi bwe guva mu muntu, guja nga gubita mu bifo ebikalukalu nga gwagala agh'okuba, gwaloba kuzuulagho.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Yoanne 20:17

Yesu yaamukoba ati: “Otangemaku, kuba nkaali kwirayo ye Lata aye ja ye baganda bange obakobere oti ndi kwirayo ye Lata wange era Lata waibwe, Katonda wange era Katonda waibwe.”

Yoanne 7:37

Ku lunaku lw'ekibinuko olusembayo era olusinga bukologho, Yesu yaayemerera yaayogerera ghaigulu ati: “Kiisi ali endiwo aidhe ye nze anhwe.

1 Samueli 22:5

Agho Gadi omulanzi yaakoba Daudi ati: “Lekera okuba mu mpuku, ja obenga mu kiketezo ky'e Buyudaaya.” Kale Daudi yaavaayo, yaaja mu kibira eky'e Herethi.