Zabbuli 62:9 - Baibuli Ekibono kya Katonda 2014

⁹ Abantu abayabayaba bali ng'oti muuka gwa mu nhindo; ate abantu abakologho biwooboloolo, boonaboona bw'obata ku minzaani teika, eja bwa ghaigulu; bagheghere okusinga omuuka ogw'omu nhindo.

Zabbuli 62:9 ပူးပေါင်းရင်းမြစ်များ

2 Samueli 15:31

Agho ghaabaagho abaakobera Daudi bati: “Ahithofeli ali mu abo abakudheemeire abali ni Abusalomu.” Daudi bwe baamukobera, yaasaba ati: “Wo Musengwa Katonda, nkweghembye fafaagania amagezi Ahithofeli g'anaagha Abusalomu, gafuukemu busiru.”

2 Samueli 15:6

Abusalomu yaakolanga atyo ku buli Muisiraeli yeenayeena eyaidhanga ye kyabazinga okumumalira ensonga dhe. Mu nsambo eyo yaaleetera Abaisiraeli okukyuka, baamwikiririzaamu.

2 Bakyabazinga 19:14

Kyabazinga yaatoola embaluwa eyo ku bakwenda, yaagisoma. Yaamala yaaja mu isinzizo, yaagyandhuluza mu maiso ga Musengwa Katonda,

Zabbuli 116:11

Era nga ndi mu kutya naakoba nti: “Okwesiga omuntu kuba kumala biseera.”

Zabbuli 118:9

Okwesiga Musengwa Katonda n'ekisinga, okusinga okwesiga abafuzi.

Zabbuli 142:3

Amaani bwe gampwamu, ankuuma yandabirira. Mu ngira mwe mbita, abazigu bange batezeemu omutego okungemya.

Zabbuli 39:11

Iwe okangaivula omuntu ng'omudhuuka olw'ebibi bye, era omuntu ky'atwala okuba eky'omughendo iwe okizikiriza, ng'oti n'ekintu ekiriiriibwa ekisiisa. Bwenebwene buli muntu muuka buuka gwa mu nhindo!

Zabbuli 39:5

Bona, enaku dhange wadhikola nga nhimpi inho mu maiso go, obulamu bwange buli ng'akantu akazira ghe kaaga. Bwenebwene buli muntu ali ku nsi, ali ng'oti muuka buuka gwa mu nhindo!

Zabbuli 46:2

Olw'ekyo tituja kutya, ensi ni bw'etengeesebwa, n'ensozi ni dhidhugumira okuviira irala ku ntobo y'enhandha,

Zabbuli 71:7

Mbairenga kya kuboneraku eri abantu kamaala, olw'okuba iwe oli mukuumi wange ow'amaani.

Isaia 26:4

Mwesigenga Musengwa Katonda ebyanda n'ebyanda, kuba Musengwa Katonda oyo ali ng'oti lubaale olwewogomwamu, aidha kubakuumanga ebyanda n'ebyanda.

Isaia 40:15

Bona eno, Musengwa Katonda abona amaghanga goonagoona nga gaziramu muzindo, ng'oti n'eitondo obutondo ery'amaadhi. Era abona ebizinga nga biwewufu ng'oti nkungu bukungu.

Isaia 40:17

Amaghanga goonagoona gali oti ti kintu naire mu maiso ge, gali bwa biwooboloolo.

Danieli 5:27

‘OKUPIMA,’ Katonda akupimye ku minzaani, yaabona ng'oli muwewere inho, okaabulaku.

Matayo 21:9

Eikuukuubira ery'abantu abaamukulemberamu n'abaamunonereza baaleekaana bati: “Hosanna mwidhukulu wa Daudi. Wa nkabi oyo aidha mu liina lya Musengwa, Hosanna mu igulu eyo.”

Yoanne 19:15

Bale baayasiikana bati: “Twala ere! Twala ere! Mukomerere ku musalaba!” Pilato yaabakoba ati: “Mwenda nkomerere kyabazinga waimwe ku musalaba?” Bakabona Abakulu baamwiramu bati: “Ife tuzira kyabazinga, okutoolaku Kaisari.”

Ab'e Roma 3:4

Busa, ti bwekiri. Katonda asigala nga wa mazima waire buli muntu aba nga muguya nga bwe kyaghandiikibwa kiti: “By'oyogera byoleka nga toguya era bwebakuwozesa niiwe osinga.”

1 Samueli 1:15

Aye Hanna yaamwiramu ati: “Busa, musengwa wange. Nkaali kunhwa ku mwenge gwa mizabbibu oba ekitamiiza kyonakyona. Nze ndi mukazi aidhwire enaku, era mbaire ndi kufukumula ebiri ku mwoyo gwange mu maiso ga Musengwa Katonda.

1 Samueli 18:5

Daudi yaajanga, yaakolanga bukalamu buli kintu Saulo kye yamutumanga okukola. Kale Saulo yaamufuula omukulu w'abaisirukale. Ekyo kyasangaaza inho abagheereza ba Saulo n'abantu boonaboona.

1 Samueli 18:7

Abakazi abo baayemba nga basagamba bati: “Saulo aise nkumi na nkumi, Daudi yaita mitwalo na mitwalo.”

1 Samueli 23:12

Daudi yaabuuza ati: “Abantu ab'e Keila banampaayo nze n'abasaadha bange mu ngalo dha Saulo?” Musengwa Katonda yairamu ati: “Baidha kukughaayo.”